لە تەلئەبیب هەزاران کەس ڕژاونەتە سەر شەقام لە دژی پلانی کۆنترۆڵکردنی غەززە

ئاڤا نیوز

بە هەزاران کەس لە تەلئەبیب هاتوونەتە سەر شەقام و داوا لە حکومەتەکەی بنیامین نەتانیاهۆ دەکەن ڕێککەوتن بکات و شەڕی غەززە بوەستێنێت، لە بەرامبەریشدا پۆلیس ڕێگری لە خۆپیشاندەران دەکات و ناهێڵێت ڕێگە سەرەکییەکانی تەلئەبیب دابخەن.

چیرۆکی سەرەکی: دوای ڕاگەیاندنی پلانی کۆنترۆڵکردنەوەی تەواوی غەززە لە لایەن حکومەتی ئیسرائیلەوە، هەزاران کەس لە تەلئەبیبی پایتەختی ئیسرائیل ڕژانە سەر شەقامەکان و داوای کۆتایی هێنان بە شەڕی غەززە دەکەن.

زانیاریی بەدەستهاتوو: میدیاکانی ئیسرائیل لەوبارەیەوە بڵاویانکردووەتەوە دەڵێن، پۆلیس بەدوای خۆپیشاندەراندا دەگەڕێن لە ناوەڕاستی تەلئەبیب بۆ ئەوەی ڕێگری بکەن لە داخستنی شەقامە گەورەکان.

چی ڕوودەدات: خۆپیشاندەران تاوەکو ژیانی بارمتەکان گەرەنتی بکرێت، تابلۆکانیان بە وێنەی بارمتەکانەوە بەرزکردووەتەوە کە بە دیل گیراون، داوا لە حکومەت دەکەن ئازادکردنیان مسۆگەر بکات و شەڕی غەززە کۆتایی پێ بهێنێت.