کرێکارێک لە سنووری گەرمیان بەهۆی بەرکەوتنی کارەباوە گیانی لەدەست دا

ئاڤا نیوز

کرێکارێک لە سنووری قەزای کەلاری ئیدارەی گەرمیان، دوای ئەوەی دەیەوێت بیرێکی ئاوی ماڵان پاکبکاتەوە بەر کارەبا دەکەوێت و گیانلەدەستدەدات.

چیرۆکی سەرەکی: بەیانی ئەمڕۆ یەکشەممە لەگەڕەکی شێروانەی قەزای کەلار کرێکارێکی تەمەن 56 ساڵ، کە پێشەی هەڵکردنی بیرە بەر کارەبا دەکەوێت و گیانلەدەستدەدات

لێدوانی فەرمی: عەلی جەمال قەدووری، وتەبێژی پۆلیسی گەرمیان؛ بە ئاڤای گوت، "لەئێستا بەبڕیاری دادوەر پەڕاوی لێکۆڵینەوە بۆ ڕووداوەکە کراوەتەوە و  پۆلیس دەستی بەلێکۆڵینەوە کردووە."

زانیاریی زیاتر: کرێکارەکە ناوی (وەفیق سابر عەباسە) دانیشتووی گوندی ساڵح ئاغای سەر بەناحیەی قۆرەتووە، پیشەی هەڵکەندنی بیری ماڵانە ئەمڕۆ ویستوویەتی بیری ماڵێک پاک بکاتەوە، بەڵام لەو کاتەدا لەنێو بیرەکە کارەبا گرتوویەتی و گیانیلەدەستداوە.