کۆمیسیۆن هۆشدارییەک دەداتە حیزب و کاندیدەکان

ئاڤا نیوز


دوای تەواوکردنی پرۆسەی پێدانی ژمارە بە لیستی هاوپەیمانی و حیزب و کاندیدە سەربەخۆکان، کۆمیسیۆنی هەڵبژاردنەکانی عێراق هۆشداریی دەدات کە نابێت بەهیچ شێوەیەک بانگەشەی هەڵبژاردن بکرێت.

 

وێنە گەورەکە: ئێوارەی ڕۆژی شەممە 10ی ئاب، کۆمیسیۆنی هەڵبژاردنەکان لە درێژەی ئامادەکارییەکانی بۆ بەڕێوەبردنی هەڵبژاردنی خولی شەشەمی پەرلەمانی عێراق، پرۆسەی پێدانی ژمارەی بە لیست و کاندیدەکان ئەنجامدا.

 

ڕاگەیێنراوی فەرمی: ڕایگەیاند: نابێت ژمارەی لیست یان بەربژێر بە هیچ جۆرێک بە مەبەستی بانگەشە بڵاوبکرێتەوە پێش پەسەندکردنی کۆتایی لیستی بەربژێرەکان لەلایەن ئەنجوومەنی کۆمیسیاران و ڕێگەدان بە دەستپێکردنی بانگەشە بەشێوەیەکی فەرمی.

 

زانیاریی زیاتر: کۆمیسیۆن هۆشداریی دا هەر حیزب و کاندیدێک پابەند نەبێت ڕێکاری یاسایی دژی دەگرنەبەر.