بەرپرسی سیاسەتی دەرەوەی یەکێتیی ئەوروپا: ڕێککەوتنی ڕووسیا و ئەمریکا نابێت بکرێت

ئاڤا نیوز

بەرپرسی سیاسەتی دەرەوەی یەکێتیی ئەوروپا، لەبارەی کۆبوونەوەی لووتکەی نێوان سەرۆکی ئەمریکا دۆناڵد ترەمپ و سەرۆکی ڕووسیا ڤلادیمێر پووتین ڕایگەیاند، بەبێ یەکێتی ئەوروپا نابێت ئەمریکا  و ڕووسیا ڕێککەوتن بکەن.

وێنە گەورەکە: بڕیارە ڕۆژی هەینی کۆبوونەوەی لووتکەی نێوان پووتین و ترەمپ بۆ ڕێککەوتن و ڕاگەیاندنی ئاگربەستی جەنگی نێوان ئۆکراینا و ڕووسیا لە ئالاسکا بەڕێوەبچێت. هاوکات تاوەکو ئێستا دیار نییە سەرۆکی ئۆکراینا بەشداری کۆبوونەوەی لووتکەکە دەبێت یاخود نا.

لێدوانی فەرمی: کاجا کالاس، بەرپرسی سیاسەتی دەرەوەی یەکێتی ئەوروپا ڕایگەیاند، "هەر ڕێککەوتنێک لەنێوان ئەمریکا و ڕووسیا بەبێ ئۆکراینا و یەکێتیی ئەوروپا ئەنجام بدرێت، قبووڵکراو نییە و هەموو ناوچە داگیرکراوە کاتییەکان هی ئۆکراینان".

ئەوەی پێویستە بیزانیت: ناوچە داگیرکراوەکان بە خاڵی ناکۆکی سەرەکی نێوان ئاگربەستی نێوان ڕووسیا و ئۆکراینا هەژمار دەکرێت، ڕووسیا چەند ناوچەیەکی داگیرکردووە و دەڵێت کە ڕووسیا خاوەندارێتی ئەو ناوچانە دەکات، بەڵام ئۆکراینا دەڵێت نەخێر ئەو ناوچانە سەر بە ئۆکراینان و ڕووسیای داگیرکەر لێی داگیرکردووین.