ئایا پێویستە دەستبەرداری خواردنی نۆدڵ ببین؟

ئاڤا نیوز

نۆدڵ یەكێکە لە خواردنە خێرا و کەم تێچووەکان، کە بەشێک لە خەڵکی ڕۆژانە وەکو خواردنێکی سەرەکی بەکاری دەهێنن بەبێ ئەوەی بیر لە زیانە تەندروستییەکانی بکەنەوە لەسەر جەستە. 

زانیاریی زیاتر: لە هەر دانەیەک لە نۆدڵ بڕی 600 بۆ 1500 میلیگرام سۆدیۆمی تێدایە، ڕێژەیەکی کەمی ڕیشاڵی تێدایە، هاوکات لەگەڵ ڕێژەیەکی کەمی پرۆتین و ڕێژەیەکی کەمیش ڤیتامین و کانزا پێویستەکان بۆ تەندروستی گشتیی مرۆڤ.

ئەوەی پێویستە بیزانیت: ئەم خواردنە زیانی تەندروستی نییە بەڵام توێژینەوەکان ئاماژە بەوە دەکەن کە زیادەڕۆییکردن لە خواردنی ڕەنگە کێشەی تەندروستیت بۆ دروست بکات، وەک نەخۆشی میتابۆلیک.

بڵاوکراوەی فەرمی: توێژینەوەیەکی کۆریای باشوور دەریدەخات کە خواردنی نۆدل زیاتر لە دووجار لە هەفتەیەکدا ئەگەری تووشبوون میتابۆلیک زیاد دەکات، بەتایبەتی لە خانماندا، ئەم نەخۆشییە دەبێتە هۆی ئاوسانی سک، بەرزبوونەوەی پەستانی خوێن، بەرزبوونەوەی شەکری خوێن. 

ئەمەش بزانە: دەکرێت ئەو خواردنە تەندروست بکرێت بەهۆ، زیادکردنی گێزەر یاخود جۆرە سەوزەواتەکانی وەک ، سپێناخ، برۆکلی کە دەتوانێت ڕێژەی ڕیشاڵ و ڤیتامینەکان زیاتر بکات.

• سەرچاوەیەکی پرۆتینی وەک هێلکە یاخود، فاسۆلیا تێکەڵ بکرێت.

• کەمکردنەوەی  بەکارهێنانی بەهاراتەکانی ناو خودی ئیندۆمییەکە و پشت بە بەهاراتەکانی نێو ماڵ ببەسترێت.