لە سلێمانی 75%ی بیرەکانی ئاودێری پارک و باخچەکانی سلێمانی وشک بوون

ئاڤا نیوز

ئەو بیرانەی بۆ ئاودێری پارک و باخچەکانی سلێمانی بەکاردەهێنرێن، بەهۆی وشکەساڵیەوە 75%یان وشک بوونە.

وێنە گەورەکە: کەمبارانی ئەمساڵ کاریگەری گەورەی کردووەتە سەر ئاوی ژێرزەوی، بەهۆیەوە ژمارەیەکی زۆر بیری ئاو لە هەرێمی کوردستان وشک بوونە یان ئاستی ئاو و بڕەکەی کەمبووەتەوە.

لێدوانی فەرمی: ئەندازیار بەهرۆز سالار، بەڕێوەبەری باخچەکانی سلێمانی بە ئاڤای گوت: بەهۆی وشکەساڵیەوە 75%ی بیرەکانی ئاودێری پارک و باخچەکان لە سلێمانی وشک بوونە.

- لە کۆی 11 بیری پارکی ئازادی، 10 بیریان وشک بوونە، ئەو بیرەی ئاوی تیادا ماوە ڕۆژانە کاتژمێرێک بۆ کاتژمێرێک و نیو کار دەکات.

- بۆ قەرەبووی ئاو بیرانەی وشک بوونە، ئاوی ئاوەرۆ دەپاڵێورێت و بە تانکەر دەگوازرێتەوە بۆ ئاودێری پارک و باخچەکانی سلێمانی.

- ڕۆژانە چوار ملیۆن بۆ چوار ملیۆن و 500 هەزار لیتر ئاوی ئاوەڕۆی ماڵان بەتایبەت لە تانجەرۆ بۆ دەپاڵێورێت و دەگوازرێتەوە سلێمانی، ئەمەش بەپێی قەبارەی تانکەرەکان ڕۆژانە دەکاتە 300 بۆ 400 تانکەر.