کارەبای 24 کاتژمێری دەگاتە سنووری ئیدارەی سەربەخۆی ڕاپەڕین

ئاڤا نیوز

دوای گەیشتنی پڕۆژەی ڕووناکی بە ئیدارە سەربەخۆکانی سۆران و زاخۆ، لەماوەی داهاتوو پرۆسەکە ئیدارەی سەربەخۆی ڕاپەڕینیش دەگرێتەوە، لەوچوارچێوەیەشدا زیاتر لە 100 هەزار هاوبەش سوودمەند دەبن.

 

وێنە گەورەکە: پڕۆژەی ڕووناکی، یەکێکە لە پڕۆژە ستراتیژییەکانی کابینەی نۆیەمی حکومەتی هەرێمی کوردستان، بەرنامە ئەوەیە تا کۆتایی ساڵی 2026 هەموو شارەکانی هەرێمی کوردستان ببنە خاوەنی کارەبای 24 کاتژمێری، هەموو قەزا و ناحییەکانیش دەگرێتەوە.

 

لێدوانی فەرمی: تیمی پڕۆژەی ڕووناکی بە ئاڤای گوت، "بە ئەگەری زۆرەوە پێش کۆتایی ئەمساڵ پڕۆژەی ڕووناکی، دەگاتە سنووری ئیدارەی سەربەخۆی ڕاپەڕین و کارەبای هاووڵاتیان دەکرێت بە 24 کاتژمێری."

 

ئەوەی پێویستە بیزانیت: لە سنووری ئیدارەی راپەڕین 110 هەزار هاوبەشی کارەبا هەیە، سەرووی 90%ـیان پێوەری زیرەکیان بۆ بەستراوە.