لە بەغدا ئاگر لە ماڵێک کەوتەوە و حەوت ئەندامی خێزانێک گیانیان لەدەستدا

ئاڤا نیوز

جارێکی دیکە کارەساتێکی ئاگرکەوتنەوە عێراقی هەژاند، ئەمجارەیان لە گەڕەکی 'ئور' لە بەغدای پایتەخت، بووە هۆی گیانلەدەستدانی حەوت کەس.

ئەوەی پێویستە بیزانیت: ئەم کارەساتە نوێیە لە کاتێکدایە، هێشتا خەڵکی عێراق لەژێر کاریگەریی ئاگرە گەورەکەی شاری کوت-دان کە شەوی 16ی تەمموز لە مۆڵێکدا ڕوویدا و بەهۆیەوە نزیکەی 70 کەس گیانیان لەدەستدا و 38ی دیکەش برینداربوون.

زانیاریی بەدەستهاتوو: سەرچاوەیەکی ئەمنی بە ئاڤا میدیای ڕاگەیاند، ئاگرەکە لە ماڵێکدا لە ناوچەی گەڕەکی ئور لە ڕۆژهەڵاتی بەغدا کەوتووەتەوە و بەپێی ئامارە سەرەتاییەکان، حەوت کەس بەهۆیەوە گیانیان لەدەستداوە.

سەرچاوەکە ئاماژەی بەوەشکردووە، "هۆکاری ئاگرەکە تا ئێستا نادیارە و تیمە ئەمنی و تەکنیکییەکان سەرقاڵی لێکۆڵینەوەن بۆ ئاشکراکردنی وردەکاریی ڕووداوەکە."