کاتەکان دەگۆڕدرێن؛ هەموو کەسێک چرکەیەک لە ژیان لەدەستدەدات

ئاڤا نیوز

 

سەهۆڵبەندەکانی جەمسەرەکانی زەوی دەتوێنەوە و خولانەوەی زەوی گۆڕانکاری بەسەردا دێت، بەمەش یەک چرکە لە ژیانی هەموومان دەڕوات.

 

وێنە گەورەکە: بەگوێرەی زانیاریەکانی بەشی کاتی نووسینگەی نێودەوڵەتیی کێش و پێوانەی فەرەنسا، لە چەند ساڵی داهاتوودا لە یەکێک لە ڕۆژەکاندا هەموو مرۆڤێکی سەر زەوی چرکەیەک لە ژیانی دەڕوات. 

 

ئەوەی پێویستە بیزانیت: ئەو کاتژمێر و خولەکانەی کە ڕۆژەکانمان دیاری دەکەن، بە خولانەوەی زەوی دیاری دەکرێن، بەڵام ئەم خولانەوەیە بەردەوام نییە و بە گوێرەی گۆڕانکارییەکانی زەوی دەگۆڕێت.

 

ئەمەش بزانە: ڕەنگە ئەم  گۆڕانکارییە لە کاتژمێرەکانی جیهان وەک گۆڕانکارییەکی بچووک دەرکەوێت، بەڵام کاریگەریی گەورە لە سیستەمی کاتدا دروست دەکات.

 

هۆکارە زانراوەکان: لەگەڵ گەرمبوونی زەوی و توانەوەی سەهۆڵ لە زەریادا، ئاوی تواوەی سەهۆڵەکان لە جەمسەرەکانەوە بەرەو هێڵی ئیستوایی زەوی دەجووڵێت، ئەمەش ڕێژەی زیاتر خولانەوەی زەوی خاو دەکاتەوە.