وەزارەتی دەرەوەی ڕووسیا: دەست لەناوچە داگیرکراوەکان هەڵناگرین

ئاڤا نیوز

وەزارەتی دەرەوەی ڕووسیا لەنوێترین لێدوان لەبارەی ناوچە داگیرکراوەکانی ئۆکراینا ڕایگەیاند، ڕووسیا دەست لەناوچە داگیرکراوەکان هەڵناگرێت و ئەو ناوچانە لە پێکهاتە و دەستووری ڕووسیادا نووسراونەتەوە .

وێنە گەورەکە: ماوەی سێ ساڵە جەنگی نێوان ئۆکراینا و ڕووسیا بەردەوامە و کڕۆکی جەنگی نێوان هەردوو وڵات دەگەڕێتەوە بۆ سەر چەند ناوچەیەکی داگیرکراو لەوانە ناوچەکانی دۆنێتسک و لوهانسک و خیرسۆن و زاپۆریژیا.

بڵاوکراوەی فەرمی: لە کۆنگرەیەکی ڕۆژنامەوانیدا وەزارەتی دەرەوەی ڕووسیا ڕایگەیاند، "ڕوسیا لە ناوچەکانی دۆنێتسک و لوهانسک و خیرسۆن و زاپۆریژیا سازش ناکات و دەستهەڵگر نابێت لەو ناوچانە، چونکە ئەم ناوچانە لە بنەڕەتدا سەر بە ڕووسیان و لە دەستووری وڵاتەکەدا هاتووە."

ئەمەش بزانە: پێشووتر پووتین داوای لە سەرۆکی ئۆکراینا کردبوو کەوا ناوچە داگیرکراوەکان بە خاڵێکی سەرەکی گفتوگۆکان و دانوستانەکانی ئاگربەست هەژمار دەکرێن و ڕووسیا سازش لە ناوچەکان ناکات، ئەمڕۆ زێلینیسکی ئەوەی دووپاتکردەوە و ڕایگەیاند، " ئێمەش بەهەمان شێوە دەست لە ناوچە داگیرکراوەکان هەڵناگرین".