پێش لووتکەی ئەلاسکا، زێلێنسکی هەوڵەکانی چڕ کردوونەتەوە

ئاڤا نیوز

ڤۆلۆدیمیر زێلێنسکی، سەرۆکی ئۆکرانیا بە سەردانێک گەیشتە لەندەن تا لەگەڵ کیەر ستارمەر، سەرۆکوەزیرانی بەریتانیا کۆببێتەوە.

وێنە گەورەکە: بڕیارە ڕۆژی هەینی، کۆبوونەوەی لووتکەی ئەمریکا و ڕووسیا لە ئەلاسکا بەڕێوە بچێت. زێلێنسکی هەوڵە دیپلۆماسییەکانی چڕ کردوونەتەوە تا وڵاتان گوشار لەسەر ئەمریکا بکەن و ئەویش گوشار لەسەر پووتین بکات.

زانیاریی زیاتر: زێلێنسکی پێشتر لە بەرلین لەگەڵ بەرپرسانی ئەڵمانیا بۆ هەمان مەبەست کۆبووەوە.

ئەوەی پێویستە بیزانیت: لووتکەی ترەمپ و پووتین بۆ باسکردنی کۆتاییهێنانە بە شەڕی نێوان ڕووسیا و ئۆکراینا. چاوەڕێ دەکرێت ترەمپ پێشنیازی پێدانی زەوی ئۆکراینا بە ڕووسیا بکات لە بەرامبەر وەستانی شەڕەکەدا.

باکگراوند: لە شوباتی 2022ـەوە شەڕی ڕووسیا و ئۆکراینا دەستیپێکردووە و شەڕەکە بەردەوامە. لە چەند ڕۆژی ڕابروودا، هاوکات لەگەڵ ئامادەکارییەکان بۆ لووتکەکە، ڕووسیا هێرشەکانی زیاتر کردووە.