ماکرۆن: ترەمپ پێی ڕاگەیاندووین بەشێک بین لە گەرەنتیکردنی ئاسایش بۆ ئۆکراینا

ئاڤا نیوز

سەرۆکی فەرەنسا لەبارەی کۆبوونەوەی لووتکەی نێوان ترەمپ و پووتین ئاشکرای دەکات کە سەرۆکی ئەمریکا پێی ڕاگەیاندوون کە ئەمریکا و وڵاتانی ناتۆش بەشێک بن لە گەرەنتینکردنی ئاسایش بۆ ئۆکراینا.

وێنە گەورەکە: بڕیارە ڕۆژی هەینی کۆبوونەوەی لووتکەی نێوان ترەمپ و پووتین لەبارەی دۆخی ئۆکراینا لە ئالاسکا بەڕێوەبچێت و پووتین ڕایگەیاندووە بەشداری کۆبوونەوەکە ناکەم ئەگەر زێلینسکی بەشداری بکات، ئەمە لە کاتێکدایە کە زێلینسکی کۆمەڵێک دیدار و کۆبوونەوەی لەگەڵ وڵاتانی ئەندام لە ناتۆ ئەنجام داوە.

لێدوانی فەرمی: ئیمانوێل ماکرۆن، سەرۆکی فەرەنسا ڕایگەیاند،"دۆناڵد ترەمپ، سەرۆکی ئەمریکا پێی ڕاگەیاندووین کە ئەمریکا و وڵاتانی دیکەی ناتۆ پێویستە ڕۆڵیان هەبێت لە گەرەنتینکردنی ئاسایش بۆ ئۆکراینا".

باکگراوند: ماوەی سێ ساڵە جەنگی نێوان ڕووسیا و ئۆکراینا بەردەوامە و ئێستا هەوڵەکان بۆ کۆتاییهێنان بەو جەنگە چڕتر کراونەتەوە و کڕۆکی ناکۆکی و گرژییەکانیش دەگەڕێتەوە بۆ سەر ناوچە داگیرکراوەکان لە سنووری نێوان ڕووسیا و ئۆکراینادا.