لە شێخان کەسێک لەناو تانکەرێکی گازوایلدا خنکا

ئاڤا نیوز

ئێوارەی ئەمڕۆ لە قەزای شێخان لەناو تانکەرێکی سووتەمەنی کەسێک خنکا و پێنج کەسیش دووچاری هەناسەتەنگی بوون و دۆخی تەندروستی دووانیان خراپە.

چیرۆکی سەرەکی: ئێوارەی ئەمڕۆ لە سەنتەری قەزای شێخان، کەسێک بە مەبەستی پاککردنەوەی تانکەری گازوایل دەچێتە ناو تانکەرەکە کە ئەو کاتە بەتاڵ بووە، بەڵام بەهۆی فشاری گازی قەتیسبوو دەخنکێت، دواتر باوکی کوڕەکە دەچێتە ناو تانکەرەکە و تەندروستی تێکدەچێت. دواتر چوار کەسی تر دەچنە ناو تانکەرەکە بە مەبەستی ڕزگارکردنیان، بەڵام ئەوانیش تەندروستییان تێکدەچێت و ڕزگار دەکرێن.

لێدوانی فەرمی: سەرچاوەیەک لە نەخۆشخانەی شێخان بە ئاڤا میدیای ڕاگەیاند، دوو لەوانەی چوونەتە ناو تانکەرەکە ڕەوشی تەندروستییان باش نییە و لەژێر چاودێری چڕدان.

لەلایەکی دیکەوە: سەردار شێخ یەحیا، قایمقامی قەزای شێخان بە ئاڤا میدیای وت، سەرجەمی ئەو کەسانە دانیشتووی سەنتەری قەزای شێخانن و لە نەتەوەی عەرەبن.