لە کوێت بەهۆی کحولی پیسبووەوە  23 کەس گیانیان لەدەست دەدەن

ئاڤا نیوز

بەهۆی خواردنەوەی کحولیی پیسبوو بە ماددەی میسانۆلەوە، بەدەیان کەس لەکوێت ژەهراویبوونە و 23 کەسیش گیانیان لەدەستداوە.

ڕاگەیێنراوی فەرمی: وەزارەتی تەندروستیی کوێت، لە بەیاننامەیەکدا ڕایگەیاند: ژمارەی حاڵەتەکانی ژەهراویبوون بەهۆی خواردنەوە کحولییە پیسبووەکان بە ماددەی میسانۆل، 160 کەس ژەهراوی بوون و 23 کەسیش گیانیان لەدەستداوە. 

زانیاریی زیاتر: وەزارەتەکە ئاماژەی بەوەشکرد، سەرجەم تووشبووان خەڵکی وڵاتانی ئاسیان و ئێستا لە بەشی چاودێریی چڕدان و پێویستییان بە ئامێری هەناسەدانی دەستکرد و شوشتنی بەپەلەی گورچیلە هەیە.

لەلایەکی دیکەوە: وەزارەتی ناوخۆی کوێت جەختی کردەوە، بەدواداچوونی پزیشکی و ئەمنیی بەردەوامە بۆ ئاشکراکردنی بەرپرسانی ئەم کارەساتە و ڕێگریکردن لە دووبارەبوونەوەی.