مەحموود محەممەد: لیژنەكانی پارتی و یەكێتی لەسەر سەرجەم بنەماكانی پێكهێنانی حكومەت ڕێككەوتوون

ئاڤا نیوز

گوتەبێژی پارتی دیموكراتی كوردستان ئاشكرای دەكات كە ئەو لیژنانەی پارتی و یەكێتی كە بۆ پێكهێنانی كابینەی 10ی حكومەت پێكهێنراون، لەسەر سەرجەم بنەماكان ڕێككەوتوون و ئومێد هەیە لە داهاتوویەكی نزیكدا حكومەت پێكبهێنرێت.

لێدوانی فەرمی: مەحموود محەممەد، گوتەبێژی پارتی دیموكراتی كوردستان بە ئاڤا میدیای ڕاگەیاند: پارتی و یەكێتی لیژنەی تایبەتیان بۆ پرسی پێكهێنانی حكومەت هەیە، دوو تەوەر گفتوگۆیان لەسەر دەكرێت، یەكێكیان بریتییە لە چۆنیەتی پێكهێنانی كابینەی تازە و ئەو بنەمایانەی كە لەسەری پێكدەهێنرێت، لیژنەكان لەسەر سەرجەم بنەماكان ڕێككەوتوون، ئەوەی دەمێنێتەوە پۆستەكانە بە شێوازێك بێت كە هەموو لایەكمان تێیدا بەشدار بین.

- مانگی داهاتوو پەرلەمانی كوردستان دەستبەكار دەبێت و ئەو كێشانەیشی كە هەن چارەسەر دەبن هاوكات ئەو ڕێوشوێنە یاساییانەیشی كە پێویستن بۆ چۆنیەتی پێكهێنانی كابینەی تازەی حكومەت هەنگاوی باش دەچنە پێش.

-  بەپێی ئەو ناوەڕۆكەی كە لە ڕاگەیێنراوی هاوبەشی دوو ڕۆژی ڕابردووی پارتی و یەكێتیدا هەیە، ئومێد هەیە كە لە داهاتوویەكی نزیكدا كابینەی تازەی حكومەتی هەرێمی كوردستان پێكبهێنرێت.