زێلینسکی داوای كۆبوونەوەی سێ قۆڵی دەكات

ئاڤا نیوز

سەرۆکی ئۆکراینا لە پەیوەندییەکی تەلەفۆنیدا لەگەڵ سەرۆکی ئەمریکا داوای کۆبوونەوەی سێ قۆڵی لەنێوان خۆیی و ترەمپ و پووتین کردووە. داواشی کردووە، ئەمریکا سزا ئابوورییەکانی وەکو چەکی بەهێز لەدەست بمێنێتەوە ئەگەر پووتین پابەند و ئامادەی کۆبوونەوەی سێ قووڵی نەبێت.

وێنە گەورەکە: سێ ساڵە جەنگی نێوان ڕووسیا و ئۆکراینا بەردەوامە  و ئێستا هەوڵەکان بۆ کۆتاییهێنان بەو جەنگە چڕتر کراونەتەوە، دۆناڵد ترەمپی سەرۆکی ئەمریکا دوێنێ لەگەڵ ڤلادیمێر پووتینی سەرۆکی ڕووسیا بۆ گەیشتن بە ڕێککەوتنێکی کۆنکرێتی کۆبووەوە و هەردوو سەرۆکەکە ئاماژەیان بەوەدا کە کۆبوونەوەکانیان لەبارەی جەنگە سێ ساڵییەکە ئەرێنییە.

لێدوانی فەرمی: ڤۆلۆدمێر زێلینسکی، سەرۆکی ئۆکراینا لەدرێژەی پەیوەندییە تەلەفۆنییەکەیدا لەگەڵ سەرۆکی ئەمریکا ڕایگەیاند، ئەگەر کۆبوونەوەی سێ قووڵی نەبێت یاخود ئەگەر ڕووسیا پابەندی خۆی بە ڕێککەوتنەکان دەرنەبڕێت بۆ کۆتاییهێنان بە جەنگ، ئەوە دەبێت ئەمریکا سزای ئابووری زیاتر بەسەر ڕووسیا بسەپێنێت و بەهێزترین چەکیش دەبێت سزای ئابووری بێت بۆسەر ئەو وڵاتە.

ئەمەش بزانە: لەماوەی چەند ساڵی ڕابردوودا ئەمریکا و وڵاتانی ئەورووپا بە بەردەوامی سزای ئابووری بەهێزیان بەسەر مۆسکۆ سەپاندووە، بەڵام لەبارەی سزاکانەوە پێشووتر کۆشكی کرێملین ڕایگەیاندبوو، سزا ئابوورییەکان هەر چۆنێک بن کاریگەری زۆریان بەسەر ڕووسیادا نابێت.