ماکرۆن: هۆشداری دەدات؛ ڕووسیا پابەندی بەڵێنەکانی نابێت

ئاڤا نیوز

سەرۆکی فەرەنسا لەبارەی هەوڵەکان بۆ کۆتاییهێنان بە جەنگی سێ ساڵەی نێوان ڕووسیا و ئۆکراینا و بەڕێوەچوونی کۆبوونەوەی لووتکەی نێوان ترەمپ و پووتین لە ئالاسکا ڕایدەگەیێنێت، ڕووسیا پابەندی بەڵێنەکانی نابێت.

وێنە گەورەکە: دوێنێ کۆبوونەوەیەکی مێژوویی لەنێوان سەرۆکی ئەمریکا و سەرۆکی ڕووسیا لەبارەی کۆتاییهێنان بە جەنگی سێ ساڵەی نێوان ئۆکراینا و ڕووسیا بەڕێوەچوو، هەردوو لایەن کۆبوونەوەکانیان بە ئەرێنی وەسفکرد و بڕیاریش وایە ڕۆژی دووشەممە زێلینسکی، سەرۆکی ئۆکراینا سەردانی واشنتن بکات و جەنگە سێ ساڵییەکە یەکلابکرێتەوە.

لێدوانی فەرمی: ئیمانوێل ماکرۆن، سەرۆکی فەرەنسا ڕایگەیاند، "هۆشداری دەدەین لەوەی کە ڕووسیا پابەندی بەڵێنەکانی بە ئۆکراینا نابێت لەبارەی ڕێککەوتن و کۆتایی هێنان بە جەنگە سێ ساڵییەکە. هاوکات پێ ناچێت پووتین ڕژد بێت لەسەر پرسە ناوچەییەکان و پابەندی ڕێککەوتنەکە بێت".

ئەوەی پێویستە بیزانیت: دوای ئەوەی سەرۆکی ئەمریکا و سەرۆکی ڕووسیا کۆبوونەوەیەکی سێ کاتژمێرییان لە ئالاسکا کرد، ئێستا لێکتێگەیشتن و لێکنزیکبوونەوەی بەرچاو هەیە و بەئەگەرێکی زۆر کۆتایی بە جەنگی سێ ساڵەی نێوان هەردوو وڵات دێت و  لەسەر هەوڵەکانی دۆناڵد ترەمپ ئاشتی دەگەڕێنرێتەوە بۆ ئۆکراینا.