ئەنجامی تاقیکردنەوەی سەنتەرەکانی زمان لە زانکۆکان ڕادەگێینرێت

ئاڤا نیوز

هەفتەی ڕابردوو دوو هەزار و 215 قوتابی خوێندنی باڵا بەشدارییان لە تاقیکردنەوەی بەرایی دیاریکردنی ئاستی زمان (پلەیسمێنت تێست) کرد، بڕیارە لەم هەفتەیە ئەنجامەکان ڕابگەیێنرێن.

وێنە گەورەکە: قوتابیانی خوێندنی باڵا ئەوانەی دەیانەوێ بڕوانامەی ماستەر و دکتۆرا بەدەستبهێنن، پێویستە لە تاقیکردنەوەی ئاستی زمانی ئینگلیزی دەربچن، لە تاقیکردنەوەی بەرایی بۆ خوێندنی ماستەر ئاستی ئینتەرمیدیەت بێت، بۆ دکتۆرا ئاستی ئەدڤانس، بەپێچەوانەوە بەشداری خولەکانی زمان دەکەن.

لێدوانی فەرمی: عەباس ئەکرەم، وتەبێژی وەزارەتی خوێندنی باڵا و توێژینەوەی زانستی بە ئاڤای گوت، "لەم هەفتەیە ئەنجامەکان ڕادەگەێینرێن و دەستبەجێ وادەی دەستپێکردنی خولەکان دیاریدەکرێت".

ئەمەش بزانە: ئەوانەی لە تاقیکردنەوەی بەرایی زمان خوار ئاستی ئینتەرمیدیەت دەهێنن، دەبێت بەشداری لە خولی زمانی سەنتەرەکان بکەن، کە بۆ هەر ئاستێک دوو مانگی پێویستە، بۆ خوێندنی ماستەر سێ ئاست و دکتۆرا چوار ئاستە.