ئیسرائیل: کونسوڵخانەی فەرەنسا لە ئۆرشەلیم دادەخەین

ئاڤا نیوز

لە ڕابردوودا فەرەنسا بە فەرمی ڕایگەیاندبوو کە ئامادەیە دان بە دەوڵەتی فەڵەستین دابنێت و پەنجەی تۆمەتیشی بۆ ئیدارەی نەتانیاهۆ ڕاکێشابوو و تاوانباری کردبوو کە کوشتارگەی لە غەززە خوڵقاندووە. لەبەرامبەردا ئیسرائیل بڕیاری داخستنی كونسوڵخانەی فەرەنسای لە ئۆرشەلیم دا.

چیرۆکی سەرەکی: دوای ئەوەی لەماوەی ڕابردوودا چەندین وڵاتی جیهان لەبەرامبەر ئەو هێرش و ئۆپەراسیۆنە کوشندانەی ئیسرائیل بۆسەر غەززە ئامادەییان دەربڕی کە دان بە دەوڵەتی فەڵەستیندا بنێن،  ئەمڕۆ ئیسرائیل لەبەرامبەر ئەو وڵاتانە بێدەنگی شکاند، بەتایبەتیش وەڵامی فەرەنسای دایەوە و ڕایگەیاند، "فەرەنسا لە خاکی ئیسرائیل دەردەکەین".

لێدوانی فەرمی: گدعۆن ساعر، وەزیری دەرەوەی ئیسرائیل ڕایگەیاند، "لەبەرامبەر دانپێنان و ناساندنی دەوڵەتی فەڵەستین کە پێشووتر فەرەنسا بانگەشەی بۆ دەکرد، ئەمڕۆ بڕیارمان دا کونسوڵخانەی گشتیی فەرەنسا لە ئۆرشەلیم دابخەین و هیچی دیکە ڕێگەیان پێ نادەین کار لە ناو خاکی ئیسرائیلدا بکەن".

ئەوەی پێویستە بیزانیت: نزیکەی سێ ساڵە شەڕی نێوان ئیسرائیل و حەماس بەردەوامە و ئەمڕۆ حەماس پێشنیازەیاسایەکی نوێی وەرگرتووە لەبارەی کۆتاییهێنان بەو شەڕە و دووبارە گەڕانەوە بۆسەر مێزی دانووستانەکان و ڕێککەوتنی کۆنکرێتی لەبارەی غەززەوە.