لە ئەفغانستان بەهۆی ڕووداوێکی هاتووچۆوە 76 کەس گیانلەدەست دەدەن

ئاڤا نیوز

لە ئەفغانستان بەهۆی ڕووداوێکی هاتووچۆ لەنێوان پاسێک و دوو ئۆتۆمبێل، 76 کەس گیانیان لەدەستدا کە 17 کەس لەوانە منداڵن.

چیرۆکی سەرەکی: لە ڕۆژئاوای ئەفغانستانەوە پێکدادان لەنێوان پاسیێکی کۆچبەرانی ئەفغانییەوە کە لە ئێرانەوە دەگەڕانەوە بۆ کابوول لەگەڵ دوو ئوتۆمۆبێل ڕوودەدات، لە ئەنجامدا سەرجەم سەرنشینانی پاس و  ئوتۆمبێلەکان گیانلەدەست دەدەن.

زانیاریی بەدەستهاتوو: کاربەدەستانی ناوخۆی شاری هەرات لە ئەفغانستان ئاشکرایان کرد، لەئەنجامی ڕووداوەکەدا 76 کەس گیانی لەدەستداوە کە 17 کەس لەوانە منداڵن.

هۆکارە زانراوەکان: پۆلیسی پارێزگاکە ڕایگەیاند، هۆکاری ڕووداوەکە بەهۆی خێرایی زۆر و کەمتەرخەمی پاسەکەوە بووە.

زانیاریی زیاتر: لە ماوەی ڕابردوودا ئێران دەستیکردووە بە ڕاگواستنی ئەو کۆچبەرە ئەفغانییانەی کە لە شەڕ و پێکدادانەکان وڵاتی خۆیان بەجێهشتووە، هاوکات ئامارێکی نەتەوە یەکگرتووەکان دەریدەخات، تەنیا لەمساڵدا زیاتر لە یەک ملیۆن و 200 هەزار ئەفغانی لە ئێران و پاکستانەوە دیپۆرت کراونەتەوە.