کۆمیسیۆن لیستێکی نوێی دوورخستنەوەی بەربژێران لە کێبڕکێی هەڵبژاردن بڵاودەکاتەوە

ئاڤا نیوز

بەهۆکاری سەرپێچیی یاسایی پەیوەست بە مەرجەکانی خۆکاندیدکردن، کۆمیسیۆنی باڵای سەربەخۆی هەڵبژاردنەکان دوورخستنەوەی 37 بەربژێری لە کێبڕکێی هەڵبژاردنی پەرلەمانی عێراق ڕاگەیاند و کە بەشێکیان کوردن.

وێنە گەورەکە: بڕیارە لە 2025-11-11، هەڵبژاردنی خولی شەشەمی ئەنجوومەنی نوێنەرانی عێراق بکرێت، لەچوارچێوەی ڕێکارەکانی بەر لە هەڵبژاردنیش، کۆمیسیۆن تاوەکو ئێستا ژمارەیەک کاندیدی بەهۆکاری جیاجیا لە کێبڕکێکە دوورخستووەتەوە.

بڵاوکراوەی فەرمی: کۆمیسیۆنی باڵای سەربەخۆی هەڵبژاردنەکانی عێراق لیستێکی نوێی دوورخستنەوەی بەربژێرانی لە کێبڕکێی هەڵبژاردن بڵاوکردەوە، لیستەکە ناوی 37 بەربژێر لەخۆدەگرێت کە بەتۆمەتی پێشکەشکردنی بەڵگەنامەی ساختە، بەرتیل، پەیوەندی بە حیزبی بەعس و نەبوونی پێوەرەکانی کاندیدبوون دوورخراونەتەوە.

زانیاریی زیاتر: بڕیارە سەرەتای مانگی تشرینی یەکەمی ئەمساڵ کۆمیسیۆنی باڵای سەربەخۆی هەڵبژاردنەکانی عێراق لیستی کۆتایی ناوی کاندیدەکان بۆ بەشدارییکردن لە هەڵبژاردنی پەرلەمانی عێراق پەسەند دەکات.

ئەوەی پێویستە بیزانیت: پێشتر کۆمیسیۆنی باڵای سەربەخۆی هەڵبژاردنەکان دوورخستنەوەی 542 کاندیدی بەهۆکاری جیاواز لە کێبڕکێی هەڵبژاردنی پەرلەمانی عێراق ڕاگەیاند.