ڕووسیا: ئۆکراینا ئارەزووی ئاشتی درێژخایەن ناکات

ئاڤا نیوز

ڕووسیا، ئۆکراینا بەوە تۆمەتبار دەکات کە ئارەزووی ڕێککەوتنێکی ''ئاشتی درێژخایەن و دادپەروەرانەی نییە'' و بەدوای گەرەنتی ئەمنیدا دەگەڕێت کە لەگەڵ داواکارییەکانی ڕووسیادا ناگونجێت.

وێنە گەورەکە: هەرچەندە هەوڵەکان بۆ ڕاگرتنی شەڕی ڕووسیا و ئۆکراینا چڕتربوونەتەوە، بەڵام تا ئێستا هیچ هەنگاوێک بۆ ڕاگرتنی شەرەکە نەبووەتە کردەیی، ڕووسیاش بەردەوامە لە هێرشەکانی.

لێدوانی فەرمی: سێرگی لاڤرۆڤ، وەزیری دەرەوەی ڕووسیا لە کۆنگرەیەکی ڕۆژنامەوانیدا ڕایگەیاند، ئۆکراینا و نوێنەرانی بە شێوەیەکی زۆر ورد لەسەر بارودۆخی ئێستا قسە دەکەن، ئەمە ڕاستەوخۆ نیشانی دەدات کە ئەوان ئارەزووی یەکلاییکردنەوەی بەردەوام و دادپەروەرانە و درێژخایەنیان نییە''

بۆچوونی لایەنی بەرامبەر: ڤۆلۆدێمیر زێلێنسکی، سەرۆکی ئۆکراینا لەبارەی ڕێککەوتنی ئاشتییەوە ئەمڕۆ پێنجشەممە ڕایگەیاند،'' دەمانەوێت لەماوەی حەوت بۆ 10 ڕۆژدا تێگەیشتنێکمان بۆ گەرەنتی ئەمنی هەبێت و  لەسەر بنەمای ئەو تێگەیشتنە، ئامانجمان ئەوەیە کۆبوونەوەیەکی سێ قۆڵی لەگەڵ پووتین و ترەمپ ئەنجام بدەین''