کارەبای 24 کاتژمێری دەگاتە قەزای خەبات

ئاڤا نیوز

هاووڵاتیانی سەنتەری قەزای خەبات لە کوژانەوەی کارەبای گشتی ئاگادار دەکرێنەوە. بەڕێوەبەری کارەبای قەزاکە دەڵێت، لە 10ڕۆژی داهاتوودا تەواوی سنووری قەزای خەبات کارەبای پرۆژەی ڕووناکییان پێ دەگات.

وێنە گەورەکە: پڕۆژەی ڕووناکی، یەکێکە لە پڕۆژە ستراتیژییەکانی کابینەی نۆیەمی حکومەتی هەرێمی کوردستان، بڕیارە تا کۆتایی ساڵی 2026 هەموو ناوچەکانی هەرێمی کوردستان کارەبای بەردەوامیان بۆ دابین بکرێت و بە نرخێکی کەمتر لەپێشوو کارەبایەکی بەردەوامیان هەبێت.

لێدوانی فەرمی: ئەردەلان کاوێز، بەڕێوەبەری کارەبای خەبات بە ئاڤا میدیای ڕاگەیاند، "ئاگاداری هاونیشتمانیانی هەریەکە لەسەنتەری قەزای خەبات و گوندەکانی، باستام، چەمەدوبس،  دێرێ پێش برماغ، مەلا عومەر و سفەییە دەکەینەوە"، لە 23-8-2025 تیمەکانی پڕۆژەی ڕووناکی کار دەکەن، "بۆیە لە کاتژمێر پێنجی بەیانی تا پێنجی ئێوارە، هەموو فیدەرەکان دەکوژێنینەوە بەفەرمانگەکان و بیرە ئاوەکانیشەوە، لەو کاتانەدا مۆلیدەکان کارەبا بە هاونیشتمانیان دەدەنەوە".

- کۆمەڵگەی کانی قرژاڵە کارەبای کراوەتە 24 کاتژمێری، لە ناحیەی ڕزگاری کاری تیمەکان تەواو کراوە، پێشبینی دەکرێت لەماوەی 10 ڕۆژدا تەواوی سنووری قەزای خەبات کارەبای بەردەوامیان پێبگات.

بۆچی گرنگە: لەماوەی ڕابردوودا چەند شوێنێکی قەزای خەبات گلەییان هەبوو لە کەمی کارەبای نیشتمانی، بەڵام بە گەیاندنی کارەبای بەردەوام ئەم گرفتە لە بنەڕەتەوە چارەسەر دەبێت.