زێلێنسکی: ڕووسیا نایەوێت کۆتایی بە جەنگ بهێنێت

ئاڤا نیوز

زێلێنسکی، مۆسکۆ تۆمەتبار دەکات بەوەی هەوڵی خۆدزینەوە لە کۆبوونەوە دەدات سەرەڕای هەوڵەکانی ئەمریکا بۆ کۆتایی هێنان بە جەنگی نێوان ڕووسیا و ئۆکراینا.

وێنە گەورەکە: سەرەڕای هەوڵەکانی سەرکردایەتیی ئەمریکا بۆ کۆتاییهێنان بە جەنگی سێ ساڵەی نێوان ڕووسیا و ئۆکراینا، بەڵام سەرۆکی ئۆکراینا سەرۆکی ڕووسیا تۆمەتبار دەکات بەوەی کە نایەوێت کۆتایی بەم جەنگە بێت.

لێدوانی فەرمی: ڤۆلۆدیمێر زێلینسکی، سەرۆکی ئۆکراینا لە وتارێکدا کە لە سۆشیال میدیا بڵاوی کردەوە، وتی: ئاماژەکانی ڕووسیا نەشیاون و هەوڵدەدەن خۆیان لە پێویستی کۆبوونەوە بەدوور بگرن و  نایانەوێت کۆتایی بەم جەنگە بهێنن.

باکگراوند: ئەم قسانەی زێلێنسکی لە کاتێکدایە، 15ی ئەم مانگە ڤلادێمیر پووتین، سەرۆکی ڕووسیا و دۆناڵد ترەمپ، سەرۆکی ئەمریکا لە ئالاسکا کۆبوونەوە سەبارەت بە ڕاگرتنی جەنگی  نێوان ڕووسیا ئۆکراینا.