لاهور شێخ جەنگی دوا پەیامی بڵاوکردەوە؛ گەردەنم ئازاد بکەن

ئاڤا نیوز

لاهوور شێخ جەنگی لەسەربانی لالەزار دەرکەوت و پەیامێکی بڵاوکردەوە و داوای گەردەن ئازادی دەکات.

پەیامی فەرمی: لاهوور شێخ جەنگی، سەرۆکی بەرەی گەل پەیامێکی بڵاوکردەوە و ڕایگەیاند: ڕەنگە ئەوە دواپەیامم بێت، ئێمە بە پێوە وەستاوین و بە پێوە دەمرین".

لاهوور شێخ جەنگی ئەمانەشی وت:

- من تا ئێستا کوردایەتیم کردووە.

-  من بۆ خاتری خەڵک لێرەمە و دەمتوانی لە دەرەوەی وڵات خۆشترین ژیانم هەبێت.

- لە دوای 8ی تەمموزیش دەرفەتی زۆر گەورەم بۆ هاتە پێش کە بتوانم ئەمە بکەم، بەڵام من بڕیارمدا لێرە بمێنمەوە و ملکەچی هیچ هێز و لایەنێکی مەلهوور، گەندەڵ، خیانەتکار، ناپیاو و ناپاک بەرامبەر بە خاک و نیشتمان نەبم.

- ئەو هێزەی بڕیارییان داوە هێرش بکەن، هەمووتانم خۆش دەوێت، من داوای لێبوردن لە هەمووتان دەکەم، گەردەنم ئازاد بکەن".

- کوردایەتی خۆمم سەلماند لە هەر چوار پارچەی کوردستان، ئەوەی پێمکرا من کردم، خەڵکی کوردستانم خۆشدەوێت.

- داوای لێبوردن لە خەڵکی سلێمانی دەکەم ئەگەر ببینە هۆکاری ناخۆشی بۆیان، چاوتان ماچ دەکەم.

زانیاریی پەیامنێر: چۆمان مەحموود، پەیامنێری ئاڤا ڕایگەیاند، "سەرچاوەیەک پێی ڕاگەیاندین، دەبێت ئەمشەو لاهووری شێخ جەنگی دەستگیر بکرێت، ئەو هێزەی ئامادەن چواردەوری تەواوی لالەزاریان داوە، تائێستا هیچ ڕووبەڕووبوونەوەیەکی ڕووینەداوە".