پۆڵاد شێخ جەنگی پەیامێکی بڵاوکردەوە؛ تا دوا دلۆپ بەرگری دەکەین

ئاڤا نیوز

پۆڵاد شێخ جەنگی، برای لاهوور شێخ جەنگی کە ئەویش یەکێک لە داواکراوانە، پەیامێکی بڵاوکردەوە و دەڵێت، "تا دوا دلۆپ بەرگری دەکەین و هەرگیز ناکەوینە سەر ئەژنۆ بۆ هیچ کەسێک، گەردنم ئازاد بکەن".

چیرۆكی سەرەكی: بەرەبەیانی ئەمڕۆ شەڕ و پێكدادانی سەخت لە هۆتێل لالەزار، لەنێوان هێزەكانی یەكێتی و لاهور شێخ جەنگی، سەرۆكی بەرەی گەل هەڵگیرسا و چەكی قوورس و مامناوەند لە شەڕەكە بەكارهێنرا و زەرەر و زیانێكی زۆر بە هۆتێلەكە و دەوروبەری ئەو شوێنە كەوتووە، هاوكات ئاگرێكی گەورە لەنزیك هۆتێلەكە كەوتووەتەوە و تاكو ئێستا خامۆش نەكراوە.

لێدوانی فەرمی: پۆڵاد شێخ جەنگی، برای لاهوور شێخ جەنگیی سەرۆکی بەرەی گەل کە ئەویش یەکێک لە داواکراوانە، پەیامێکی بڵاوکردەوە و دەڵێت، "تا دوا دلۆپ بەرگری دەکەین و هەرگیز ناکەوینە سەر ئەژنۆ بۆ هیچ کەسێک، گەردنم ئازاد بکەن".

لەلایەکی دیکەوە: لە پەیامی دووەمی، پۆلاد شێخ جەنگی داوای هاوکاری لە هاووڵاتیان دەکات و دەڵێت، "داواتان لێ دەکەم غیرەت بتانگرێت وەرنە سەر خەت تێکمان شکاندوون هاوکاریمان بکەن.

زانیاریی پەیامنێر: بەپێی زانیارییەکانی پەیامنێری ئاڤا،  لاهوور و خانەوادەی سەڵامەتن، ئێستا دەنگی تەقە وەستاوە، بەڵام دەنگی ئەمبوڵانس دێت.