بە درۆن هێرش کرایە سەر گردی دەباشان لە سلێمانی

ئاڤا نیوز


بە درۆن هێرش کرایە سەر گردی دەباشان لە سلێمانی کە ماڵی بافڵ تاڵەبانی، سەرۆکی یەکێتی نێشتمانی کوردستانی لێیە.

چیرۆكی سەرەكی: بەرەبەیانی ئەمڕۆ شەڕ و پێكدادانی سەخت لە هۆتێل لالەزار، لەنێوان هێزەكانی یەكێتی و لاهور شێخ جەنگی، سەرۆكی بەرەی گەل هەڵگیرسا و چەكی قوورس و مامناوەند لە شەڕەكە بەكارهێنرا و زەرەر و زیانێكی زۆر بە هۆتێلەكە و دەوروبەری ئەو شوێنە كەوتووە، هاوكات ئاگرێكی گەورە لەنزیك هۆتێلەكە كەوتووەتەوە و تاكو ئێستا خامۆش نەكراوە.

زانیاریی تایبەت: سەرچاوەیەک لە لالەزار ڕایگەیاند، لاهوور شێخ جەنگی لە بەرگریکردن بەردەوامە و سەلامەتە.

- لە شەڕو پێکدادانەکان کوژراو  و بریندار هەیە.

- ڤیدیۆ هەیە پێش ئەوەی درۆنەکە بکەوێتە خوارەوە تەقەی لێ دەکەن.

- ئێستا هێزە ئەمنییەکان ڕێگەی چوونیان بۆ دەباشان داخستووە.

- زانیاری بڵاوبووەتەوە، بە دوو درۆنی یەک لەدوای یەک هێرشەکە کرابێت، بەڵام تەنیا هێرشی یەک درۆن پشتڕاست کراوەتەوە.

- هێزێکی زۆری دژەتیرۆر بەرەو لالەزار براوە بە چەکی قورس و زرێپۆشەوە.

- بەپێی زانیارییەکان زیاتر لە 10 تۆپی 106 ملیم نراوە بە لالەزارەوە.

- لە چەند ناوچەیەکی دیکەی سلێمانی دەنگی تەقە دەبیسترێت.

- میدیای یەکێتی: 48 چەکداری لالەزار خۆیان ڕادەستی هێزە فەرمییەکانی حکومەتی هەرێمی کوردستان کرد.

- پۆڵاد شێخ جەنگی، "هیچ کارمەندێکمان خۆی ڕادەست نەکردووە و ورەمان زۆر بەرزە، دڵنیابن سەردەکەوین".

سەرچاوەیەك بە تەلەفۆن وتی، لە گەڕەکی تاڤگەی سەرچنار خەڵك چوونەتە سەر شەقام تەقە دەکەن.

- سەرچاوەیەک لە نەخۆشخانەی شار بۆ ئاڤا: تا ئێستا دوو کوژراو و ژمارەیەکی زۆر بریندار ھەیە.

- ڕۆژنامەنووسێک لە کەناڵی زوومی نزیک لە لاھوور شێخ جەنگی بە ئاڤای وت، "ھێرش نەکراوەتە سەر کەناڵەکەمان و پەخشمان بەردەوامە. بەڵام ستافێکی کەم لەوێن".

- لە ڕێگەی سەرچاوەیەک کە بۆ ئاڤا نێردراوە، خەڵک لە پشدەر و بیتوێن واتە ڕانیە و قەلادزێ بە چەکەوە بەێێکەوتوون بۆ سلێمانی بۆ پشتیوانی لە لاهوور شێخ جەنگی.

- رێبواری حامی حاجی خالی: حەوت دانە ئۆتۆمبێلی باجەر (درع)مان تێک شکاندووە و ورەمان زۆر بەرزە پشتیوان بە خوای گەورە سەردەکەوین.

- چەند دانیشتوویەکی سەرچنار کە ماڵیان لە نزیک لالەزارە،  دەڵێن خەڵێکی زۆری سیڤیل گیریان خواردووە و لە زۆربەی ماڵەکانەوە دەنگی هاوار و قیژەی ژن و منداڵ دێت.

- 



نوێ دەکرێتەوە...