لاهوور شێخ جەنگی لە لالەزار دەستگیر کرا

ئاڤا نیوز

میدیاکانی نزیک لە یەکێتی ڕایانگەیاند، لاهوور شێخ جەنگی و پۆڵادی شێخ جەنگی و ئاسۆی شێخ جەنگی دەستگیر کران. بەپێی زانیارییەکان، پۆڵادی شێخ جەنگی بە برینداری دەستگیرکراوە.

چێرۆکی سەرەکی: لەشەوی ڕابردوو هێزە ئەمنییەکانی سلێمانی چواردەوری لالەزاریان دا، بۆ دەستگیرکردنی لاهووری شێخ جەنگی، دواتر ڕووبەڕووبوونەوە لە نێوان هێزەکانی یەکێتیی و لاهوور دەستیپێکرد، کەمێک پێش ئێستا لاهوور دوو برای دەستگیر کران.

زانیاریی پەیامنێر: چۆمان مەحموود، پەیامنێری ئاڤا ڕاگەیاند، دوای ڕووبەڕووبوونەوەی هێزە ئەمنییەکانی سلێمانی و هێزەکانی لاهوور شێخ جەنگی، هێزە ئەمنییەکانی سلێمانی چوونە ناو لالەزار و توانییان لاهووری شێخ جەنگی و ئاسۆ شێخ جەنگی و پۆڵاد شێخ جەنگی دەستگیر بکەن.

زانیاریی زیاتر: ئێستا هێزەکانی یەکێتیی چوونەتە ناو باڵەخانەی لالەزار و ڕووبەڕووبوونەوە بەردەوامە.

ئەمەش بزانە: لەگەڵ دەستگیرکردنی لاهوور و براکانی، خوشکێکیشی دەستگیر کراوە.

زانیاریی تایبەت: سەرچاوەیەک لە هێزەکانی کۆماندۆوە قسەی بۆ ئاڤا کردووە و پشتڕاستی کردەوە، لاهوری شێخ جەنگی دەستگیرکراوە.