لە سلێمانی سێ کارمەندی هێزە ئەمنییەکان کوژراون و 15 کەسی دیکەش برینداربوون

ئاڤا نیوز

لە سلێمانی بەهۆی ڕووبەڕووبوونەوەی چەکداری نێوان هێزە ئەمنییەکان و چەکدارانی لاهوور شێخ جەنگی، سێ کارمەند کوژراون و 15 کەسی دیکەش لە هەردوولا برینداربوون. 

چیرۆکی سەرەکی: درەنگانی شەوی ڕابردوو بەشێک لە هێزەکانی کۆماندۆ و دژە تیرۆری یەکێتیی بەرەو هۆتێل لالەزار لە سەرچنار جوڵەیان پێکرا، دواتر لە کاتژمێر سێ بەرەبەیانی ڕۆژی هەینی هێرشی چەکداری بۆ سەر لالەزار دەستیپێکرد و تاوەکو کاتژمێر حەوتی بەیانی هەمان ڕۆژ ڕووبەڕووبوونەوە ڕویدا. 

زانیاریی پەیامنێر: چۆمان مەحموود، پەیامنێری ئاڤا لە سلێمانی ڕایگەیاند: لە ڕووبەڕووبوونەوەکانی بەرەبەیانی ئەمڕۆ، سێ چەکداری هێزە ئەمنییەکانی سەر بە یەکێتیی نیشتمانیی کوردستان گیانیان لەدەست داوە، هاوکات 15 چەکداری دیکەش لە هێزە ئەمنییەکانی یەکێتیی و چەکدارانی لاهوور شێخ جەنگی برینداربوون. 

ئەمەش بزانە: نزیک کاتژمێر حەوتی بەرەبەیانی ئەمڕۆ هەر یەکە لە لاهوور شێخ جەنگی، پۆڵد شێخ جەنگی، ئاسۆ شێخ جەنگی، حامید حاجی غالی لەلایەن هێزە ئەمنییەکانی یەکێتییەوە دەستگیرکران.

نوێدەکرێتەوە..