زانیاری نوێ و دروست لەبارەی هاوژین و منداڵەکانی لاهوور شێخ جەنگی

ئاڤا نیوز

پاش بڵاوبوونەوەی دەنگۆیەک لە شەوی ڕووداوەکەدا سەبارەت بە بوونی خێزان و منداڵەکانی لاهوور شێخ جەنگی لەگەڵیدا لە لالەزار، بەپێی زانیارییەکانی ئاڤا دەرکەوتووە کە ئەم هەواڵە دوورە لە ڕاستییەوە.

چیرۆکی سەرەکی: بەرەبەیانی ڕۆژی هەینی هێزێکی زۆری ئەمنی یەکێتی بە چەکی قورسەوە هێرشیان کردە سەر هۆتێل لالەزار و شوێنی مانەوەی لاهوور شێخ جەنگی، سەرۆکی بەرەی گەل، دوای شەڕێکی سێ کاتژمێری ناوبراو دەستگیرکرا، ئاڤا بەدواداچوونی بۆ خێزان و منداڵەکانی کرد لەکاتی هێرشەکە.

زانیاریی بەدەستهاتوو: هاوژین و منداڵەکانی لاهوور شێخ جەنگی لە کاتی ڕووداوەکەدا لە دەرەوەی وڵات و لە ئەوروپا بوون و لەگەڵ ناوبراودا نەبوون.

بڵاوکراوەی فەرمی: ئەمڕۆ گەشە حەمە چاوشین، هاوژینی لاهوور شێخ جەنگی، لە پەیجی تایبەتی خۆی لە تۆڕی کۆمەڵایەتی فەیسبووک وێنەیەکی خۆی و هاوژین و منداڵەکانی بڵاوکردەوە و پەیامێکی پشتیوانی ئاڕاستەی هاوسەرەکەی کردووە و نووسیویەتی: "شانازیت پێ دەکەین لاهوور گیان، هەتا هەتایە لەگەڵت دەبین."