سەید کاکە، پێشمەرگەی شۆڕشەکانی ئەیلوول و گوڵان کۆچی دوایی کرد

ئاڤا نیوز

 

پێشمەرگەی دێرین و کەسایەتیی سیاسیی ناسراو، سەید کاکە،  پێشنیوەڕۆی ئەمڕۆ لە تەمەنی 93 ساڵیدا لە نەخۆشخانەیەکی تایبەتی شاری هەولێر کۆچی دوایی کرد.

ئەوەی پێویستە بیزانیت: سەید کاکە، کە ناوی تەواوی کاکە ئیسماعیل عومەر خدرە و لە ساڵی 1932 لەدایکبووە، ماوەی 10 ڕۆژ بوو بەهۆی تێکچوونی دۆخی تەندروستییەوە لە نەخۆشخانە خەوێندرابوو، ئەمڕۆ بەهۆی نەخۆشیی دڵەوە کۆچی دوایی کرد.

ناوبراو یەکێک بوو لە پێشمەرگە دیارەکانی شۆڕشی ئەیلوول و گوڵان.

زانیاریی زیاتر: سەید کاکە خاوەنی 18 منداڵە کە لە هەشت کوڕ و 10 کچ پێکدێن، یەکێک لە کوڕەکانی لە ڕابردوودا شەهید بووە.

بڕیاروایە لە مزگەوتی جەلیل خەیاتی شاری هەولێر نوێژی مردووی لەسەر بکرێت و و پاشان لە دوای نوێژی عەسر، تەرمەکەی لە گوندی دووسەرەی سەر بە ناحیەی شەمامک بەخاک بسپێردرێت.