وەزارەتی دەرەوەی ئەمریکا: ڕەوشی مرۆیی لە غەززە جێگەی نیگەرانییەکی جددییە

ئاڤا نیوز

وەزارەتی دەرەوەی ئەمریکا نیگەرانی قووڵی خۆی لەبارەی تێکچوونی دۆخی مرۆیی لە کەرتی غەززە دەربڕی و بە "جێگەی نیگەرانییەکی جددی" وەسفی کرد. ئەم لێدوانانە لە کاتێکدایە کە ڕاپۆرتەکان ئاماژە بەوە دەکەن بەشێکی زۆری دانیشتووانی غەززە ڕووبەڕووی برسییەتی و نەبوونی پێداویستییە سەرەکییەکانی ژیان بوونەتەوە.

وێنە گەورەکە: سێ ساڵە جەنگی نێوان حەماس و ئیسرائیل بەردەوامی هەیە و هەوڵەکان بۆ کۆتاییهێنان بەو جەنگە بەردەوامە هاوکات سوپای ئسیرائیل ڕێگەی چوونە ناوەوەی هاوکارییە مرۆییەکانی بۆ ناو کەرتی غەززە تووند کردووە یاخود بە ڕێککاری چڕ و پڕەوە ڕێگە دەدات هاوکارییەکان بڕۆنە ناوەوە، ئەوەش بووەتە هۆی ئەوەی دەیان هاووڵاتی لەو کەرتە گیانلەدەستبدەن بەهۆی برسییەتییەوە.

لێدوانی فەرمی: ماتیۆ میلەر، گوتەبێژی وەزارەتی دەرەوە، لە کۆنفرانسێکی ڕۆژنامەوانیدا ڕایگەیاند، "ڕوونە کە پێویستە کاری زیاتر بکرێت" بۆ چارەسەرکردنی قەیرانە مرۆییەکە و دڵنیابوونەوە لەوەی هاوکارییەکان دەگەنە ئەو کەسانەی کە پێویستیان پێیەتی. هاوکات، ئەمریکا بەردەوامە لە کارکردن لەگەڵ حکومەتی ئیسرائیل، نەتەوە یەکگرتووەکان و ڕێکخراوە مرۆییەکانی تر بۆ زیادکردنی ڕێژەی ئەو هاوکارییانەی کە دەچنە ناو غەززەوە.

لەلایەکی دیکەوە: گوتەبێژەکەی وەزارەتی دەرەوە داوای لە هەموو لایەنەکان کرد کە کارئاسانی بۆ گەیشتنی یارمەتییە مرۆییەکان بکەن و پارێزگاری لە گیانی هاوڵاتیانی مەدەنی بکەن. میلەر وتیشی، "ئێمە زۆر بە ڕوونی بە حکومەتی ئیسرائیلمان وتوە پێویستە هەنگاوی زیاتر بنێن بۆ پاراستنی هاوڵاتیانی مەدەنی و دڵنیابوونەوە لە گەیشتنی هاوکارییە مرۆییەکان."

ئەمەش بزانە: ویلایەتە یەکگرتووەکان جەخت لەسەر ئەوە دەکاتەوە کە پێویستە ڕێڕەوی مرۆیی زیاتر بکرێتەوە بۆ ئەوەی خۆراک، ئاو و پێداویستییە پزیشکییەکان بە شێوەیەکی بەردەوام و سەلامەت بگاتە دەستی خەڵکی غەززە.