جێگری پارێزگاری سلێمانی: دەست بە قەرەبووکردنەوەی زیانمەندبووانی شەڕەکەی لالەزار دەکەین

ئاڤا نیوز

لە هێرشەکەی شەوی پێنجشەممەی لالەزار، زیان بەر ماڵ و ئۆتۆمبێلی هاووڵاتیانی نیشتەجێی نزیک لە شوێنی شەڕەکە کەوت، تیمەکانی پارێزگای سلێمانی لەمڕۆوە دەست دەکەن بە چاککردنەوە و قەرەبووکردنەوەیان.

چیرۆکی سەرەکی: ئێوارەی ڕۆژی پێنجشەممە، هێزە چەکدارەکانی یەکێتیی چواردەوری شوێنی نیشتەجێبوونی مانەوە لاهوور شێخ جەنگی، سەرۆكی بەرەی گەلیان دا لە گردی سەرچنار، دواتر ئەمە ڕووبەڕووبوونەوەی چەکداری لێکەوتەوە، دواجار بەرەبەیانی ڕۆژی هەینی لاهوور شێخ جەنگی و پۆڵاد شێخ جەنگی برای و ڕێبوار حامید حاجی غالی دەستگیر كران، سێ ئەندامی هێزە ئەمنییەکان لەهەردوولا گیانیان لەدەستدا  و 15ـی دیکەش بریندار بوون، جگە لەوەی زیان بەر باڵەخانە و خانوو و ئۆتۆمبێلی هاووڵاتیان کەوت.

لێدوانی فەرمی: شاهۆ عوسمان، جێگری پارێزگاری سلێمانی لە گەشتی هەواڵەکانی 09:00ـی ئاڤا میوان بوو، گوتی، "لەمڕۆوە تیمی هونەری دەستبەکار دەبێت و  قەرەبووی زیانی باڵەخانە و ماڵ و ئۆتۆمبێلەکانی لالەزار دەکاتەوە، تیمەکان دەستکراوە کراون و بەشێوەیەکی ڕاستەوخۆ کارەکانیان دەکەن، هاوکات هیچ زەرەر و زیانێک بەبێ قەرەبوو تێناپەڕێت."

گوتیشی، "تاوەکو ئێستا خەمڵاندنی دروست بۆ زیانەکان نەکراوە، دوای قەرەبووکردنەوەی هاووڵاتیان قەبارەی زیانەکان دیاردەبێت