بەرەی گەل لەبارەی بەشداریکردنی لە هەڵبژاردنی پەرلەمانی عێراق ڕوونکردنەوە دەدات

ئاڤا نیوز

بەرەی گەل بەشداریی لە هەڵبژاردنی داهاتوو پەرلەمانی عێراق دەکات و کاندیدی لە زۆرێک لە بازنەکانی هەڵبژاردن دەبێت. 

ڕاگەیێنراوی فەرمی: بەرەی گەل لە ڕوونکردنەوەیەکدا وڵامی میدیا سێبەرەکانی یەکێتی دەداتەوە ڕایدەگەیەنێت: بەهێزێکی گەورەی جەماوەری بەشداریی لە هەڵبژاردنی داهاتووی پەرلەمانی عێراق دەکەین.

چیرۆکی سەرەکی: شەوی پێنجشەممە لەسەر هەینی (21 لەسەر 22ی ئەم مانگە)، هێزەکانی یەکێتیی نیشتمانیی کوردستان بەرەو هۆتیل لالەزاری سلێمانی جووڵەیان پێکرا، دوای ڕووبەڕووبوونەوەیەکی سێ کاتژمێری لاهوور شێخ جەنگی و پۆڵاد شێخ جەنگی دەستگیرکران، هاوکات ژمارەیەک چەکداریی هێزی دووپشکیش برینداربوون و بەشێکی دیکەشیان دەستگیرکران.


بڵاوکراوەی فەرمی: بەرەی گەلی سەر بە لاهوور شێخ جەنگی ڕوونکردنەوەیەکی لەبارەی دەنگۆیەک بڵاوکردووەتەوە و تیایدا هاتووە: لە هەندێک میدیا سێبەری یەکێتیی بڵاوبووەتەوە کە گوایە بەرەی گەل لە هەڵبژاردنی داهاتووی پەرلەمانی عێراق پاشەکشە دەکات، سەرلەبەری ئەم هەواڵە ڕەت دەکەینەوە.

بەرەی گەل بەهێزی گەورەی جەماوەری بەشداری لە هەڵبژاردن دەکات لە سەرجەم ئەو بازنانەی کە کاندیدی هەیە، لە ژێر هیچ فشار و ڕووداوێک پاشەکشە ناکات.