ئاڤای خەڵک؛ گوندی کەوریتانی سەروو لە هیران گرفتی کەمئاویی هەیە

ئاڤا نیوز

گوندێکی هیران لە قەزای شەقڵاوە کێشەی کەمئاویی هەیە. دانیشتووانەکەی دەڵێن، "ئەم هاوینە بای زیاتر لە یەک ملیۆن دینار ئاومان کڕیووە".

چیرۆکی سەرەکی: گوندی کەوریتانی سەروو لە ناحیەی هیران لە قەزای شەقڵاوە کە 25 ماڵە، ئەم هاوینە کێشەی کەمئاوییان هەبووە و خۆیان دەڵێن، "حاڵمان پەرێشانە و بەشی زۆری ماڵەکان ئەم هاوینە ئاومان کڕیووە". وانەکەی هانایان بۆ ئاڤا هێناوە، جۆ چارەسەرکردنی کێشەکەیان.

دانیشتو
زانیاریی پەیامنێر: خاتوو کنێر عەوڵا دانیشتووی گوندی کەوریتانە، قسەی نەجات هەرکی، پەیامنێری ئاڤا کردووە و دەڵێت، هەر کە هاوین هات، هەرچی ماڵە بێ ئاو دەبێت، "ئەم هاوینە بای زیاتر لە یەک ملیۆن دینار ئاومان کڕیووە".

مام فارس، دانیشتوویەکی دیکەی گوندەکەیە دەڵێت: بەهۆی کەمئاوی خەریکە گوندەکە بەجێدەهێڵین، لەلایەک دەبێت ئاو بۆ پێداویستی ماڵ بکڕین و لەلایەکی دیکە دەبێ ئاو بۆ ئاژەڵەکانیشمان بکڕین، ڕۆژی وا هەیە ئاومان نییە دەستنوێژی پێ هەڵبگرین. هەر تانکەرێکی ئاو بە 50 هەزار دینار دەکڕین.

لێدوانی فەرمی: هێدی سعید، بەرپرسی فەرمانگەی ئاوی هیران دەڵێت: ئاگاداری کێشەی ئەم گوندەین، بەدوا داچوونمان كردووە، كێشە لە تۆڕی ئاوی گوند هەیە، نووسراومان بەرز كردووەتەوە بۆ بەڕێوەبەرایەتیی ئاوی دەورووبەری هەولێر، كەشفی بۆ كراوە و دەرخستەشی بۆ كراوە، دیزاینیش لەم چەند ڕۆژە تەواو دەبێت و ئیشەكەیان بۆ دەكرێت.

لەلایەکی دیکەوە: ڕێزان سەعدی، بەڕێوەبەری ئاوی دەوروبەری هەولێر دەڵێت: هەفتەی داهاتوو بەیەکەوە بەستنی بۆری گوندەکە لەگەڵ یەکێک لە بیرەکانی ئەو دەوروبەرە دەستپێدەکات و ئیتر کێشەیان نامێنێت.