چوار تۆمەتباری دهۆک لەسلێمانی دەستگیر دەکرێن

ئاڤا نیوز

بەڕێوەبەرایەتیی ئاسایشی سلێمانی چوار تۆمەتبار دەستگیر کرد کە لە پارێزگای دهۆک تاوانێکی کوشتنیان کردبوو و بۆ خۆحەشاردان ڕوویان لە پارێزگای سلێمانی کرد بوو.

چیرۆکی سەرەکی: تۆمەتباران لەساڵی 2024، لەپارێزگای دهۆک لەسەر کێشەی کۆمەڵایەتیی هاوڵاتییەکیان کوشتووە و هەڵاتوون، بەڕێوەبەرایەتیی ئاسایشی پارێزگای سلێمانی، لە 19-8-2025 دوای چاودێری و بەدواداچوون و کۆکردنەوەی زانیاری، بەبڕیاری دادوەری لێکۆڵینەوەی ئاسایش هەر چوار تۆمەتباری دەستگیر کرد.

ڕاگەیێنراوی فەرمی: بەڕێوەبەرایەتیی ئاسایشی سلێمانی ڕایگەیاند، چوار تۆمەتباری هەڵاتوو لەیاسا لە یەکێک لە هۆتێلەکانی شاری سلێمانیی دەستگیرکردووە کە بە مەبەستی خۆحەشاردان ڕوویان لەسلێمانی کردبوو.

- ئێستا تۆمەتباران بە ماددەی 406 لە یاسای سزادانی عێراقی ڕاگیراون و بەپێی تایبەتمەندی کەیسەکەیان، ڕادەستی بەڕێوەبەرایەتیی پۆلیسی پارێزگای دهۆک دەکرێنەوە.