ئەمریکا پێدانی ڤیزای بە بەرپرسانی فەڵەستین ڕاگرت

ئاڤا نیوز

 

ئەمریکا بڕیاری دا بەهۆی پابەندنەبوونیان بە ئاشتی ڕێگە نادات بەرپرسانی فەڵەستین بچنە وڵاتەکەی و ڤیزایان پێنادات.

 

ڕاگەیێنراوی فەرمی: وەزارەتی دەرەوەی ئەمریکا ڕایگەیاند، مارکۆ ڕوبیۆ، وەزیری دەرەوەی ئەمریکا، بەپێی یاساکانی ئەمریکا، ڤیزای ئەندامانی ڕێکخراوی ڕزگاریخوازی فەڵەستین و دەسەڵاتی فەڵەستین هەڵدەوەشێنێتەوە.

 

زانیاریی زیاتر: ئیدارەی ترەمپ بە ڕوونی ڕایگەیاندووە، لە بەرژەوەندی ئاسایشی نیشتمانی ئێمەدایە ڕێکخراوی ڕزگاریخوازی فەڵەستین و دەسەڵاتی فەڵەستین لێپێچینەوەیان لەگەڵدا بکرێت لەسەر پابەندنەبوونیان بە بەڵێنەکانیان و تێکدانی ئەگەری سەرکەوتنی ئاشتی.

 

لەلایەکی دیکە: ئیدارەی ترەمپ دەشڵێت، دەبێت ئەو لایەنانە تیرۆر ڕەتبکەنەوە، لەوانەش کۆمەڵکوژی 7ی ئۆکتۆبەر و کۆتایی بهێنن بە هاندان بۆ تیرۆر و دەبێت دەسەڵاتی فەڵەستین کۆتایی بهێنێت بە هەوڵەکانی بۆ تێپەڕاندنی دانوستانەکان لە ڕێگەی هەڵمەتە یاساییە نێودەوڵەتییەکانەوە، لەوانەش سکاڵا بۆ دادگای تاوانی نێودەوڵەتی هەوڵەکانی بۆ مسۆگەرکردنی دانپێدانانی تاکلایەنەی دەوڵەتی فەڵەستین. هەردوو هەنگاوەکە بە شێوەیەکی بەرچاو کاریگەرییان لەسەر ڕەتکردنەوەی حەماس بۆ ئازادکردنی بارمتەکان و تێکچوونی دانوستانەکانی ئاگربەستی غەززە هەبوو.