لە بەریتانیا چوار کورد بە تۆمەتی دزینی جگەرەی ئەلیکترۆنی دەستگیر کران

ئاڤا نیوز 

 

بەهۆی دزینی جگەرەی ئەلیکترۆنی بە بەهای هەزاران پاوەند، چوار هاوڵاتی کورد لە بەریتانیا دەستگیر کران. دادگای شاهانەی نیوکاسڵ دەڵێت، هیچ کامیان پێشتر کەیسی تاوانکارییان نەبووە.

 

چیرۆکی سەرەکی: لە 24 مانگی دووی 2025، لە شاری واشنتن لە ئینگلاندی بەریتانیا چوار کەس دزییان لە کۆگایەکی جگەرەی ئەلیکترۆنی کردووە و دوای هەڵهاتنیشیان خەریک بووە بە ئۆتۆمبێلەکەیان لە خاوەنی کۆگاکە بدەن، بەڵام خاوەنی کۆگاکە لەو کاتەدا توانیویەتی خۆی لابدات.

 

زانیاریی زیاتر: باندەکە بە بەهای 46 هەزار پاوەند جگەرەی ئەلیکترۆنییان لە کۆگاکە دزیووە. دادگا بڕیاری داوە تاوانبارەکان بۆماوەی 21 مانگ زیندانی بکرێت کە بریتین لە:

-  ڕێبوار سەقزی تەمەن 29 ساڵ بە 18 مانگ زیندانی کردن سزا دراوە و لەگەڵ ئەوەشدا دەبێت بۆ ماوەی 150 کاتژمێر خزمەتی گشتی بەبێ مووچە بکات.

-  کارلۆ ڕامهانی تەمەن 23 ساڵ، بە 16 مانگ زیندانی کردن سزا دراوە و لەگەڵ ئەوەشدا دەبێت بۆ ماوەی 130 کاتژمێر خزمەتی گشتی بەبێ مووچە بکات.

- محەممەد نامیقی تەمەن 26 ساڵ، بە 20 مانگ زیندانی کردن سزا دراوە و لەگەڵ ئەوەشدا دەبێت بۆ ماوەی 170 کاتژمێر خزمەتی گشتی بەبێ مووچە بکات.

-   دڵشاد ئەحمەد کەڵک تەمەن 34 ساڵ، بە 20 مانگ زیندانی کردن سزا دراوە و لەگەڵ ئەوەشدا دەبێت بۆ ماوەی 170 کاتژمێر خزمەتی گشتی بەبێ مووچە بکات.
 
زانیاریی زیاتر: محەممەد نامیق مافی پەنابەری لە بەریتانیا وەرگرتووە، بەڵام دڵشاد ئەحمەد کاڵەک مافی مانەوەی لە بەریتانیا نەبووە و داوای مافی پەنابەری کردووە، بۆیە ئەگەری هەیە لەلایەن وەزارەتی ناوخۆی بەریتانەوە دەستبەسەر بکرێت.