پزیشكیان: تاران نایەوێت شەڕ لەگەڵ ئیسرائیل و ئەمریکا بکات

ئاڤا نیوز

مەسعود پزیشکیان، سەرۆککۆماری ئێران نیگەرانیی خۆی لە دووبەرەکی ناوخۆیی و تێکدانی یەکڕیزی وڵات دەربڕی و جەختی لەوە کردەوە کە تاران بە دوای شەڕەوە نییە لەگەڵ ئیسرائیل و ئەمریکا.

 

لێدوانی فەرمی: مەسعود پزیشکیان، سەرۆککۆماری ئێران لە چاوپێکەوتنێکی تەلەفزیۆنییدا ڕایگەیاند،''ئێمە بەدوای شەڕدا ناگەڕێین، بەڵام ئەگەر بیانەوێت داگیرکاری [ ئیسرائیل و ئەمریکا] بکەن، ئەوا بە زۆر ڕووبەڕوویان دەبینەوە".

 

سەرۆککۆماری ئێران دەشڵێت، "ئێمە نامانەوێت شەڕ بکەین، هەر لەسەرەتاوە وامان وتووە، بەڵام لە شەڕیش ناترسین، گەلەکەمان سەلماندوویەتی کە ئەگەر شەڕ هەڵگیرسێت، یەکگرتوویی و یەکگرتوویی ناوخۆیی زۆر بەهێزتر دەبێت.''

 

باکگراوند: مانگی حوزەیرانی ئەمساڵ ئیسرائیل هێرشی ئاسمانیی کردە سەر ئێران و ئێرانیش لەڕێگەی درۆن و مووشەکی دوورمەوداوە ئیسرائیلی بە ئامانج گرت، لە هێرشەکەدا ئیسرائیل چەند پێگەیەک لەنێوانیاندا بنکە ئەتۆمییەکانی ئەو وڵاتەی کردە ئامانج، ئەمە جیا لە کوشتنی چەند فەرماندەیەکی باڵای ئێران لەلایەن ئیسرائیلەوە. دواتر ئەمریکاش هاتە ناو جەنگەکە و بنکە ئەتۆمییەکانی ئێرانی بۆردوومان کرد. لە کۆتاییشدا تاران و تەلئەڤیڤ بە نێوەندگیریی ترەمپ ئاگربەستیان ڕاگەیاند.