ئەمریکا توانای مووشەکی ئۆکراینا بەهێزتر دەکات

ئاڤا نیوز

باڵیۆزی ئەمریکا لە ناتۆ ڕایدەگەیێنێت، ئەمریکا توانای مووشەکی ئۆکراینا بەهێزتر دەکات کە دەتوانرێت لە ڕووی هێرشبردنەوە ئۆکراینا سوودی لێ وەرگرێت.

وێنە گەورەکە: دوای دەستبەکاربوونی دۆناڵد ترەمپ، سەرۆکی ئەمریکا، هاوکارییە سەربازییەکانی ئەمریکا بۆ ئۆکراینا کەمتر کرایەوە و فرۆشتنی چەک بەو وڵاتە لەژێر لێکۆڵینەوەی ئیدارەی ترەمپە، بەڵام ئەمریکا توانای مووشەکی ئۆکراینا بەهێزتر دەکات کە لە ئەگەری بەکارهێنانی لە دژی سوپای ڕووسیا کاریگەریی باش و بەسوودی بۆ ئۆکراینا دەبێت.

لێدوانی فەرمی: ماتیۆ ویتاکەر، باڵیۆزی ئەمریکا لە ناتۆ بە  فۆکس نیوزی وتووە، دۆناڵد ترەمپ توانای لێدانی ئاسمانی قووڵتر دەدات بە ئۆکراینا کە دەتوانێت لە ڕووی هێرشکردنەوە یارمەتیان بدات.

- بە ئەگەرێکی زۆرەوە ئۆکراینییەکان بڕیارە بەکاریان بهێنن و دیارە ئەوەش زۆر جیاوازە لەوەی جۆ بایدن کردوویەتی.

ئەوەی پێویستە بیزانیت: واشنتن لەم دواییانەدا ڕەزامەندی دەربڕی لەسەر فرۆشتنی سێ هەزار و 350 مووشەکی هێرشبەری مەودای درێژخایەن (ERAM) بە بڕی 850 ملیۆن دۆلار بە ئۆکراینا کە لەلایەن دانیمارک و هۆڵەندا و نەرویجەوە پارەیان بۆ دابینکراوە.

ئەمەش بزانە: مەرجەکانی بەکارهێنانیانی مووشەکەکان ڕوون نییە، بەڵام مەودای مووشەکەکان 150 بۆ 280 مایلە.