مەسرور بارزانی پیرۆزبایی لە یانە براوەکانی خولی بالەی خانمانی عێراق دەکات

ئاڤا نیوز

بەبۆنەی سەرکەوتن و بردنەوەیان لە خولی بالەی خانمانی عێراق، سەرۆکوەزیران مەسرور بارزانی، پەیامی پیرۆزبایی ئاراستەی سێ یانە لە هەرێمی کوردستان دەکات.

پەیامی فەرمی: سەرۆکوەزیران مەسرور بارزانی، لە پێگەی فەرمی خۆی لە تۆڕی کۆمەڵایەتی ئێکس ڕایگەیاند: بە بۆنەی بەدەستهێنانی پلەی یەکەم و دووەم و سێیەم لە پاڵەوانێتی بالەی خانمانی عێراق، پیرۆزبایی ئاراستەی سەرۆک و ڕاهێنەر و یاریزانانی یانەکانی سەنحاریب لە دهۆک، ئەکاد لە عەنکاوە، قەرەقوش (بەخدێدا) لە حەمدانییە دەکەم.

زانیاریی زیاتر: لە دواین ڕۆژی خولی بالەی خانمانی عێراقدا، یانەی ئەکاد و سەنحاریب ڕوو بەڕووی یەک بوونەوە، یانەی سەنحاریبی دهۆک توانی یارییەکە بە سێ کۆمەڵە بەرامبەر بە کۆمەڵەیەک بەسەر یانەی ئەکاد سەربکەوێت، بۆ دووەمین جار بووە پاڵەوانی خولی بالەی خانمانی عێراق.