یەکێک لەو کوردانەی بەریتانیا کە لەسەر دزینی جگەرە دەستگیرکرابوو ڕوونکردنەوە دەدات

ئاڤا نیوز

بە تۆمەتی ئەوەی ڤەیپ و جگەرەی لە کۆگایەکی بەریتانیا دزیوە، چوار کورد دەستگیرکرابوون، یەکێکیان ڕوونکردنەوەی بۆ ئاڤا ناردووە و دەڵێت، "زانیارییەکان بەهەڵە نێردراوە، ئێمە دزیمان نەکردووە و بەڵکو دزیمان لێکراوە."

چیرۆکی سەرەکی: ڕۆژی 24-02-2025 لە شاری واشنتنی ئینگڵاند، گوایە چوار گەنج کە کوردن دزییان لە کۆگایەکی جگەرەی ئەلیکترۆنی کردووە، دواتر دەستگیرکراون و حوکمدراون.

زانیاریی تایبەت: یەکێک لەو گەنجانەی کە ناوی لەنێو دەستگیرکراون هاتووە، قسەی ئاڤا کردووە و دەڵێت، "ئێمە بەبەهای 46 هەزار پاوەند جگەرەی ئەلیکترۆنی و ڤەیپمان لەو کۆگایە کڕیوە، ئەمەش بەهۆی ئەوە ئەوانە لە بەریتانیا قەدەغەکراون، دوای جێهێشتنی کۆگاکە ئامێری GPS خراوەتە نێو کەل و پەلەکە، هاتووەنەتەوە و لێیان بردووین، ئێمەش چووینە سەر کۆگاکە و داوای مافی خۆمان کرد، لەو کاتە پۆلیس ئێمەی گرت و نەمانتوانی بشیسەلمێنین کە ئەو تاوانەمان نەکردووە."

دەشڵێت، "لە ڕێگەی پارێزەرەکەمانەوە دووانیامان ئازادکراین و شەش هەزار پاوەندیش سزای داراییمان داوە، بەهۆی ئەوەی لەکاتی هێرشکردنە سەر  کۆگاکە زیانمان لەو شوێنە داوە."