کرێملین: هێرشە سەربازییە تایبەتەکانمان بەردەوام دەبن

ئاڤا نیوز

کۆشکی سەرۆکایەتیی ڕووسیا لەبارەی هێرشەکانیان بۆسەر ئۆکراینا ڕایگەیاند، ڕووسیا پاشەکشە لە هێرشکردن ناکات، "بەڵکو هێرشە سەربازییە تایبەتەکانمان بەردەوامیان دەبن".

وێنە گەورەکە: ڕووسیا و ئۆکراینا بەنێوەندگیریی سەرۆکی ئەمریکا نزیکبوونەتەوە لە ئاگربەست، ئەمە دوای ئەوەی سەرۆکی ئەمریکا و سەرۆکی ڕووسیا لە ئالاسکا کۆبوونەوە  وتاوتوێی هەنگاوەکانی کۆتاییهێنانیان بە جەنگی ئۆکراینا کرد. دوای ئەوە، شاندێکی سەرکردە ئەوروپییەکان لەگەڵ زێلینکسی سەردانی کۆشکی سپیان کرد و لەگەڵ ترەمپ کۆبوونەوە.

ئەوەی پێویستە بیزانیت: سەرەڕای هەوڵە دیپلۆماسییەکان بۆ کۆتاییهێنان بەو جەنگە و کۆبوونەوەکان، بەڵام تاوەکو ئێستا هێرشەکانی ڕووسیا و ئۆکراینا بۆسەر یەکتری بەردەوامن و ئاسۆیەک بۆ کۆتاییهێنان بەو جەنگە بەدی ناکرێت و خاڵی سەرەکی ناکۆکییەکان لەنێوان هەردوو وڵاتدا دەگەڕێتەوە بۆ چەند ناوچەیەکی داگیرکراو لەنێوانیاندا.

لێدوانی فەرمی: کۆشکی سەرۆکایەتیی ڕووسیا ڕایگەیاند، "ئێمە ئامادەین بە دیپلۆماسی و دایەلۆگ کۆتایی بەو جەنگە بێنین، بەڵام بە مەرجێک ئێمە ئاسانکاری و ئامادەگی لە ئۆکرایناوە وەردەگرین، ئەگەر ئاوا نەبێت ئەوە هێرشە سەربازییە تایبەتاکانمان بۆ ناوەڕاستی کیێڤ بەردەوام دەبن."

باکگراوند: ڕۆژی 24-2-2022، ڕووسیا ئۆپەراسیۆنێکی سەربازی بۆ سەر ئۆکراینا دەستپێکرد بە ئامانجی داگیرکردنی ئەو وڵاتە، دواتر ئەو جەنگە گۆڕا بۆ گەورەترین ململانێ لە سەرانسەی ئەوروپا دوای جەنگی دووەمی جیهانی، هەزاران سەرباز لە هەردوولا کوژراون.