چەند درۆنێکی بۆمبڕێژکراو لە نزیک دەباشان دەخرێنە خوارەوە

ئاڤا نیوز


سەرچاوەیەک لە ئاسایشی سلێمانی، بەرەبەیانی ئەمڕۆ چەند درۆنێک لە نزیک دەباشان خراونەتە خوارە و تاوەکو ئێستا زیانەکانی ئاشکرا نەکراوە.


وێنە گەورەکە: لە کاتژمێر 3ی بەرەبەیانی ڕۆژی هەینی 20-8-2025 ڕووبەڕبوونەوەی چەکداری لە نێوان هێزە ئەمنییەکانی سلێمانی و چەکدارانی سەر بە لاهوور شێخ جەنگی لە لالەزار ڕوویدا و تاوەکو کاتژمێر 7 بەردەوام بوو، لە ئەنجامی ئەو ڕووبەڕووبوونەوە چەکدارییە لاهوور شێخ جەنگی و براکانی دەستگیرکران. بۆ یەکەمجاریش لەو شەڕ و ڕووبەڕووبوونەوەیە درۆنی بۆمبڕێژکراو بەکارهات. 

زانیاریی بەدەستهاتوو: سەرچاوەیەک لە ئاسایشی سلێمانی بە ئاڤای ڕاگەیاند: بەرەبەیانی ئەمڕۆ دووشەممە، چەند درۆنێکی بۆمبڕێژکراو لە دوای کاتژمێر 04:00 لە نزیک دەباش خراونەتە خوارەوە.

هەر بەگوێرەی زانیارییەکانی ئەو سەرچاوەیە، ئێستا دەست بە لێکۆڵێنەوە کراوە لە سەرچاوەی ئاراستەکردنی درۆنەکان و دیار نییە لە کوێوە ئاراستە کراون.

زانیاریی زیاتر: تاوەکو ئێستا هیچ لایەنێکی ئەمنیی پارێزگای سلێمانی، بەفەرمی ئامادە نییە قسە لەسەر ئەم بابەتە بکات و پشتڕاستی بکاتەوە.