تەقینەوەیەک لە فەرماندەیی گشتیی یەکەی 70 ڕووی دا و کوژراو و بریندار هەیە

ئاڤا نیوز

 

ئەمڕۆ سێشەممە، تەقینەوەیەک لە مەیدانی (ڕەمیی) فەرماندەیی گشتیی یەکەی 70ی پێشمەرگە لەسەر ڕێگای تاسڵوجە - سلێمانی ڕووی دا. بەهۆی ئەم ڕووداوەوە خوێندکارێکی عەرەب گیانی لەدەست دا و سێ کەسی دیکەش بریندار بوون، کە پێکهاتوون لە دوو ئەفسەری کورد و خوێندکارێکی عەرەب.

چیرۆکی سەرەکی: ڕووداوەکە کاتژمێر 12:00ی نیوەڕۆ ڕووی داوە، کاتێک پۆلێک لە خوێندکارانی کۆلێژی سەربازیی قەڵاچوالان، کە زۆربەیان عەرەبن، سەرقاڵی مەشق و ڕاهێنان بوون بە چەکی جۆری (RPG)، لەوکاتەدا گوللەیەکی RPG تەقیوەتەوە.

لێدوانی فەرمی: لیوا ئەحمەد لەتیف، گوتەبێژی فەرماندەیی یەکەی 70 بە ئاڤای ڕاگەیاند، "خوێندکارەکان لەکاتی ڕاهێنان چەکی جۆری ئاڕ پی جی-یان بەکارهێناوە. بەداخەوە گوللەیەک تەقیوەتەوە، بەهۆیەوە یەکێک لە خوێندکارەکان گیانی لەدەست داوە و چوار کەسیش بریندار بوون." لیوا ئەحمەد لەتیف ئاماژەی بەوەشکرد، ئەو کەسەی گیانی لەدەست داوە عەرەبە، لە بریندارەکانیش دوو ئەفسەریان کوردن و بریندارەکەی دیکەش عەرەبە.

لەلایەکی دیکەوە: وەزارەتی بەرگریی عێراق لە ڕوونکردنەوەیەکدا لەبارەی ڕووداوەکەوە ڕایگەیاند، "ئەمڕۆ لەکاتی مەشق و ڕاهێناندا لە کۆلێژی سەربازیی سێ لە قەڵاچوالان، گوللە هاوەنێک بە پۆلێک خوێندکار تەقیوەتەوە."