پووتین: بەرگەی زۆری هێرشەکانی ئۆکراینامان گرت و وەڵامی جددیمان دەبێت

ئاڤا نیوز

سەرۆکی ڕووسیا لەبارەی هێرشە بەردەوامەکانی ئۆکراینا  بۆ سەر بنکە کانزاییەکانی ڕووسیا ڕایگەیاند، "بەرگەی زۆری هێرشەکانی ئۆکراینامان گرت، تەواو وەڵامی جددیمان دەبێت".

وێنە گەورەکە: سێ ساڵە جەنگی نێوان ڕووسیا و ئۆکراینا بەردەوامی هەیە و هەوڵە دیپلۆماسییەکان بۆ کۆتاییهێنان بەو جەنگە بەردەوامە، ئەمە لەکاتێکدایە کە هەردوو وڵات بەچڕی یەکدی بۆردوومان دەکەن و ئۆکراینا هێرشەکانیا بەتایبەت دیزانکردووە بۆسەر ناوەندە کانزاییەکانی ڕووسیا.

لێدوانی فەرمی: ڤلادیمێر پووتین، سەرۆکی ڕووسیا ڕایگەیاند، "ڕووسیا بەرگەی زۆری هێرشەکانی ئۆکراینای بۆسەر ناوەندە کانزاییەکانی گرت، تەواو لەمەودوا وەڵامی جددیمان دەبێت و دەستمان بە وەڵامدانەوەی ئۆکراینا کردووە".

ئەمەش بزانە: هەندێک ناوچەی داگیرکراو لەنێوان ڕووسیا و ئۆکراینا هەیە کە بە خاڵی سەرەکی ڕێکنەکەوتن و نەگەیشتن بە ئاشتی و ئاگربەست هەژمار دەکرێن، چونکە ڕووسیا دەڵێت، "خاكی خۆمە و مافی خۆمە، ئۆکرایناش بەهەمان شێوە ئەو ناوچانە بە خاکی خۆی دەزانێت.

ئەوەی پێویستە بیزانیت: نیمچە دوورگەی کریمیا لە ساڵی 2014 لەلایەن ڕووسیا داگیرکراوە و بە شێوەیەکی نایاسایی خراوەتە سەر خاکی ئەم وڵاتە، ئەو دوورگەیە بەسەرەکیترین خاڵی کۆتاییهێنان بە جەنگ هەژمار دەکرێت.

باکگراوند: 24-2-2022، ڕووسیا بەفەرمی هێرشەکانی بۆسەر کیێڤ دەستپێکرد و لەئاکامدا ئۆکراینای خستە دۆخێکی مرۆیی سەختەوە.