فەرەنسا فەرمانی دەستگیرکردن بۆ بەشار ئەسەد دەردەکات

ئاڤا نیوز

بەشار ئەسەد، سەرۆکی پێشووی سووریا و براکەی لەلایەن دادگای فەرەنسا لەسەر تاوانە مرۆییەکان فەرمانی دەستگیرکردنیان بۆ دەرکراوە.

چیرۆکی سەرەکی: لە ڕێککەوتی 2-9-2025، دادگای فەرەنسا فەرمانی دەستگیرکردنی بۆ حەوت گەورە دەسەڵاتداری پێشووی سووریا دەرکرد بە تۆمەتی تەقاندنەوەی ناوەندێکی ڕۆژنامەوانیی لە حوومس لە سووریا لە ساڵی 2012 کە بووە هۆی کوشتنی دوو ڕۆژنامەنووسی بەرەگەز ئەمریکی و فەرەنسی و برینداربوونی سێ کەسی دیکە.

زانیاریی بەدەستهاتوو: لەناو ئەو حەوت کەسەدا ئەو ناوانەی دیارن بریتین لە:

• بەشار ئەسەد، سەرۆکی پێشووی سووریا.

• ماهر ئەسەد، سەرۆکی پێشوی سوپای چواری سووریا.

• عەلی مەملووک، سەرۆکی هەواڵگریی سووریا.

• عەلی ئەیاد، سەرۆک ئەرکانی پێشووی سوپای سووریا.

لێدوانی فەرمی: کلیسمینت بیکتارت، پارێزەری یەکێتیی نێودەڵەتیی مافی مرۆڤ ڕایگەیاند، "دەرکردنی ئەم فەرمانە هەنگاوێکی گرنگە، چونکە ڕێگە دەدات ئەو حەوت کەسە لە  دادگای فەرەنسا لەسەر تاوانەکانیان دادگایی بکرێن".

باکگراوند: لە مانگی 12ی ساڵی 2024 بەشار ئەسەد و خێزانەکەی لەدوای ڕووخانی حکومەتەکەی سووریایان بەجێهێشت و بەرەو ڕووسیا هەڵاتن.