ماکرۆن: هیچ هەوڵێک ڕێگریی لە کۆنفرانسی چارەسەری دوو دەوڵەتی فەلەستین و ئیسرائیل ناکات

ئاڤا نیوز

سەرۆکی فەرەنسا هەڵوێستی خۆی بۆ ئەنجامدانی کۆنفرانسی تایبەت بە ڕاگەیاندنی دوو دەوڵەتی فەلەستین و ئیسرائیل دووپات دەکاتەوە و دەشڵێت، هیچ هەوڵێک ڕێگریی لەم کۆنفرانسە ناکات.

لێدوانی فەرمی: ئیمانوێل ماکرۆن، سەرۆکی فەرەنسا ئاشكرای دەکات، لەگەڵ محەممەد بن سەلمان شازادەی جێنشینی سعوودییە قسەی کردووە، لە 22ـی ئەیلوول بڕیارە لە نیویۆرک هاوسەرۆکایەتیی "کۆنفرانسی چارەسەری دوو دەوڵەتی فەلەستین و ئیسرائیل" بکەین، دەشڵێت ئامانجامان کۆکردنەوەی زۆرترین پشتیووانیی نێودەوڵەتییە بۆ چارەسەری دوو دەوڵەتی فەلەستین و ئیسرائیل، هاوکات هیچ هەوڵێک ناتوانێت ڕێگری لە بەڕێوەچوونی ئەو کۆنفرانسە بکات.

بەتەنیشت ئەم بابەتە: وەزارەتی دەرەوەی ئەمریکا بڕیاریدا کە ڤیزا بە بەرپرسانی فەلەستین نەدات بۆ بەشدارییکردنیان لە کۆبوونەوەکانی نەتەوە یەکگرتووەکان، لە بەرامبەردا فەرەنسا دەڵێت، ئەمە قبووڵکراو نییە، داواش دەکات ئەم ڕێکارە هەڵبوەشێندرێتەوە.