لێدوانی مەسرور بارزانی و قوباد تاڵەبانی لەبارەی شەڕەکەی لالەزار

ئاڤا نیوز

قوباد تاڵەبانی، جێگری سەرۆكوەزیرانی هەرێمی كوردستان دەڵێت، هەوڵ هەبووە پشێوی و ئاژاوەی گەورە دروستبكرێت و پیلان هەبوو بۆ تیرۆركردنی سەرۆكی یەكێتی لە چوار كاتی جیاوازدا.

چیرۆكی سەرەكی: مەسرور بارزانی، سەرۆكی حكومەتی هەرێمی كوردستان، لە كۆبوونەوەی ئەمڕۆی ئەنجوومەنی وەزیران، وێڕای دەربڕینی نیگەرانی قووڵی خۆی بەرامبەر ڕووداوەکانی ئەم دواییەی شاری سلێمانی، داوای لە قوباد تاڵەبانی، جێگری سەرۆكوەزیران كردووە، ڕوونكردنەوە لەبارەی ڕووداوەكان بۆ ئەنجوومەنی وەزیران بخاتەڕوو.

لێدوانی فەرمی: قوباد تاڵەبانی، جیگری سەرۆکوەزیران لە کۆبوونەوەی ئەمڕۆی ئەنجوومەنی وەزیران ڕوونکردنەوەی لەبارەی 'ڕووداوەکەی لالەزار'ـدا و ڕایگەیاند، "هەوڵ هەبووە پشێوی و ئاژاوەی گەورە دروستبکرێت و پیلان هەبوو بۆ تیرۆرکردنی سەرۆکی یەکێتیی نیشتمانیی کوردستان لە چوار کاتی جیاوازدا."

زانیاریی زیاتر: بە گوتەی قوباد تالەبانی "ئەوەی کرا پووچەڵکردنەوەی ئەو پیلانە ئاژاوەگێڕییە و چەسپاندنی یاسا بووە و ئێستاش رێکاری یاسایی دەگیرێتەبەر بۆ یەکلاکردنەوەی ئەو بابەتە."