نووسینگەی سیستانی سەبارەت بە فرۆشتنی کارتی دەنگدان و دابەشکردنی دیاری فەتوایەک دەردەکات

ئاڤا نیوز

لە وەڵامی دوو پرسیار سەبارەت بە فرۆشتنی کارتی هەڵبژاردن و دابەشکردنی دیاری بەسەر هاوڵاتیاندا لەلایەن هەندێک کاندیدەوە، نوسینگەی عەلی سیستانی، مەرجەعی باڵای دەسەڵاتی شیعەکان ڕایگەیاند، هەردووکیان ڕێگەپێدراونین.

چیرۆکی سەرەکی: لەگەڵ نزیکبوونەوەی وادەی هەڵبژاردنی پەرلەمانی عێراق، بەشێک لە هاوڵاتییانی شیعە مەزهەب داوای فەتوای سیستانییان سەبارەت بەفرۆشتنی کارتی دەنگدان بەهۆی کەم دەرامەتییەوە و دابەشکردنی دیاری بەسەر هاوڵاتیاندا کردووە.

ڕاگەیێنراوی فەرمی: نووسینگەی عەلی سیستانی لە ڕاگەیێنراوێکدا ڕایگەیاند: فرۆشتنی کارتی دەنگدان بەهیچ شێوەیەک ڕێگەپێدراو نییە، بەهەر هۆکارێک بێت. هەروەها دابەشکردنی دیاری بەسەر هاوڵاتیاندا لەلایەن کاندیدەکانەوە ڕێگەپێدراو نییە.

ئەوەی پێویستە بیزانیت: بڕیارە 2025-11-11، هەڵبژاردنی خولی شەشەمی پەرلەمانی عێراق بەڕێوەبچێت، ئامادەکارییەکانیش لەلایەن کۆمیسیۆنەوە بەردەوامە.